【土地大辯論】陳百祥反對收回粉嶺高爾夫球場：美國都好多人瞓街
為期5個月的土地大辯論上月26日正式展開，其中粉嶺高爾夫球場的去向，更成為社會的焦點，不少團體及政黨明言應該收回佔地172公頃的粉嶺高球場，作為建屋之用。公民黨立法會議員陳淑莊及支持保留高球場的藝人、職業高爾夫球協會名譽會長陳百祥今日（22日）下午出席港台節目《視點31》，討論應否收回高球場。
陳百祥直言，自己也是住 劏房出身，香港的住屋問題由他出世至今就存在，並非新鮮事，既然在香港居住，就要接受高樓價的問題，而且發展國家如美國西雅圖也有不少人無家可歸，「香港只係瞓細啲嘅房，細啲嘅廳。」他甚至曾稱：「我都差點想輪候公屋！」
陳百祥在節目中，與陳淑莊屢次爆發激辯。他一開場，就質疑土地小組主席黃遠輝不適合擔任此職，「佢只係做Banker(銀行家)，只係識炒股票、睇外匯，點識土地？」
不過，黃遠輝其實多年來出任多項涉及房屋規劃和地政等諮詢架構重要地位，包括城市規劃委員會副主席、環境諮詢委員會主席、房委會資助房屋小組委員會主席、市建局非執行董事及房協委員等，可說是近年非官方人士在有關範疇最具份量一員。
指粉嶺高球場納入土地選項「荒謬」
他認為政府根本不用舉辦公眾諮詢，「從來香港政府要做的，是行政主導，再通過立法會，就係回歸之後，話50年不變，居然變咗弱勢政府，乜都要問咗市民先。」他認為強勢的政府是行政主導，所以進行公眾諮詢是無謂之舉，「所有人一齊講既問題就唔會成功，一間企業成功就係一個人話事，所以新加坡咁成功囉。」
此外，陳百祥指土地問題應由政府處理，不是由民間提出解決方案，「強勢政府係應該知邊幅地可以填，追回落後係啱，但唔應該搵炒期貨嘅人去做，要搵土地專家（主持人：小組仲有好多人）我知，咁都係領導人，長江無咗李嘉誠就唔係長江啦，香港係講緊領導人得唔得，夠唔夠強勢，舊時英國政府幾時要立法局通過，行政主導話咗係咁就咁，麥理浩時間咪好好囉，所以話50年不變就係想留喺黃金時間，就係而家愈變愈差。」
他又形容，將粉嶺高球場納入土地選項之中「根本係荒謬」，「房屋就係房屋，運動就係運動，房屋唔夠，由我出生到現在，住屋嘅問題一直都存在，英國政府嗰時，我都係住緊劏房㗎！」
他續指，自已也是由居住劏房開始，「我哋都係住劏房、我都供樓30多年，邊個人出世就有錢啊，除咗李嘉誠個仔。」他更聲稱曾經想申請輪候公屋。
住香港要接受高地價
陳百祥認為，香港從來也是高地價的城市，如在香港住就要接受這一套，「你嚟得香港住，就要接受香港從來都係貴嘅地價㗎嘞，而家講緊西雅圖，美國人都要瞓街，而家(香港人)都係瞓細啲嘅房，細啲嘅廳。」
小組只需2、3個選項
陳百祥反建議小組，不需要18個土地選項，只需要2至3個選項就足夠，包括填海、葵涌貨櫃碼頭建屋及發展大嶼山。陳淑莊就反指，香港有9成的運輸業依賴船運，在世界上亦有一定的競爭力，陳百祥反駁指內地的貨櫃業比香港更出色，「鹽田好過我哋啦，我係做生意嘅，所有出口鹽田都可以做到曬，競咩爭力姐。」
陳百祥又指自己不是打高爾夫球的常客，一年只打一至兩場，所以對收回部分用地建屋未有持反對意見，其後又再批評陳淑莊和支持發展高球場的人士是「仇富心態」，譏諷陳淑莊昨日反對地政伐斬般咸道的兩棵樹，卻漠視高球場內有幾十棵古樹。
陳淑莊就表示，政府以低地價1000元批出粉嶺高球場，但普通市民根本難以負擔數以千計的入場費，陳百祥就反駁陳的說法，重申粉嶺高球場是任何人也可以入內打波，「你有無入過去啊？800蚊咋。（編按：其後主持人糾正為1,100元）」陳淑莊再引述《香港01》今年4月的報道，稱記者當時親身試用公眾身份入高球場，列明需要僱用球僮，但陳百祥就表示從未聽過該說法，「我1993年開始打，次次都係用公眾身份入去。」
陳百祥將土地短缺的問題歸咎於前特首曾蔭權在過去7年未有積極覓地，認為社會應該要多元化，若然真的要發展高球場，將會有17萬從業員的生計受影響，陳淑莊質疑17萬的數據是誇大，陳百祥就解釋是引用香港高爾夫大聯盟提供的數據。「我淨係識打高球的人也有幾萬個！」
不過，記者翻查資料，陳百祥有份出席的香港高爾夫大聯盟，於上月27日舉行的記者會，當時召集人劉家樂曾表示香港有14萬人打高爾夫球，以及有約3000名從業員包括教練、球僮等。
提出局面、全面發展兩方案
土地供應專責小組引述政府早前委託研究顧問就粉嶺高球場用地的發展潛力作出初步評估，提出局部及全面發展的方案，局部方案會發展32公頃土地，提供4,600個住宅單位，容納1.3萬人；或騰出佔地172公頃的用地，提供約1.32萬伙單位，容納3.7萬人。
