六四事件踏入30周年，不少父母今晚（4日）帶小朋友出席維園燭光晚會。其中林太帶同兩名兒子到場，「趁而家仲有自由空氣，要維護我哋應有的言論自由！」林太的兒子年僅10歲，被問到30年前發生的事，小朋友都可清楚說出，「用嚟紀念天安門廣場的人」、「殺死晒抗議的人」、「因為政府唔鍾意佢地抗議」。

「點解會有聚集？點解會有晚會？啲人有咩訴求？軍人點解要殺人？」通通都是林太兩名兒子的問題，林太首次帶兩名兒子到六四晚會，希望他們知道30年前的真相。她亦有曾帶小朋友到新聞博物館，從而解釋六四事件。

將帶兒子參加返《逃犯條例》遊行

林太的長子說，老師在課堂上曾說過六四事件，他的理解是：「政府殺咗天安門廣場嘅學生，因為政府唔鍾意佢地抗議」。簡單數句，字字鏗鏘。

兩名兒子今年甫下課，吃過飯，林太便帶著小朋友到六四晚會。林太直言下周日（9日）亦會帶小朋友參加反《逃犯條例》修例遊行，「擔心第時小朋友講錯嘢就要坐監」。

帶同8歲女兒參加晚會的徐先生也說，下周日（9日）亦一定會參與反修例遊行。他表示，逃犯條例是一個很易理解的條例，法治是香港最重要的基石，條例很明顯是有問題的，「並唔係好似林鄭月娥、李家超所講，好多人支持修訂，佢哋6月9日就會知道結果。」

中四學生馬同學和陳同學首次和第二次岀席維園晚會，目的是支持晚會活動，同時向六四死難者致敬。馬同學稱，近日香港發生不少事，如逃犯條例修訂及黃台仰尋求難民庇護等，反映香港的自由度收窄。

馬同學稱學校老師較少提及六四事件，主要從電視節目中了解，她指六四事件中，沒想到北京政府會用暴力對待人民和學生，「用坦克剷埋去，完全無同情心」，認為中國想鎮壓反對自己的聲音。

對於近年大學學生會拒絕岀席六四燭光晚會，馬同學稱尊重其他悼念活動，但認為晚會的悼念活動最正式，因「論壇無咗悼念意思，只談及香港未來路向，與事件無咁大關聯。」

▼【六四三十】30關鍵人物今安在？▼