【父親節2020】砌LEGO增進親子關係 爸爸:可以睇到小朋友另一面

撰文:余嘉文
出版:更新:

LEGO 是家傳戶曉的玩具,自由度大可以培養小朋友的創意。早前屯門市廣場舉行了Bricks Adventure創意無限作品展,展出近100款LEGO®神級作品,其中2位創作者Herbert和Andy身為爸爸,皆會和仔女在閒時一起拼砌LEGO,共享親子時間,他們都覺得拼砌LEGO能夠促進親子關係,讓小朋友更加學會專注。
(攝影: 鄭子峰)(部分照片由受訪者提供)

Andy是全球第13位、大中華區首位樂高®️認證拼砌大師,今次展出以逾20萬粒LEGO®拼砌出的彩虹邨,Andy表示這是第一個從頭到尾皆由自己創作的作品,「整個彩虹邨由創作至完成歷史兩個多月,沒有用電腦設計,而是先按照彩虹邨模擬一個單位,定好大細後再按比例製作。」Andy 形容這個作品是最喜歡的一個作品「彩虹邨呢個作品係自己想做嘅嘢,細女仲建議我要加滑板車落去。」

疫情留家砌Lego增進親子關係

Andy育有兩個囡囡,大女9歲細女6歲,Andy表示兩個女兒各自遺傳他其中一項興趣「大女鍾意踢波,細女就鍾意砌Lego」,對於小朋友的興趣,他認為「最緊要小朋友有興趣,只要係小朋友鍾意嘅事,作為家長就會全力支持,我哋希望小朋友能夠有一項專長傍身。」

Andy 分享指,疫情前比較忙,通常每個周末都盡量不出差留在香港,陪細女砌Lego親子樂,最近疫情關係,留在家中啲時間變得更多,和細女砌Lego的時間亦變得更多。

(照片由受訪者提供)

減少沉迷電子遊戲

提到最近疫情影響,小朋友接觸電子產品的機會增多,沉迷電子遊戲的機會亦隨之增加。有Andy 表示,家長可以讓小朋友接觸更多「真實」的物件,讓他們嘗試動手拼砌LEGO,體驗實體玩具的樂趣,便有機會減少沉迷電子遊戲的情況。

+12

創作數款「童年回憶」LEGO的 Lego Serious Play®️認證引導師 Herbert 育有兩個兒子, 分別11歲及7歲。Herbert 分享指,LEGO作為一個玩具本身具有創意空間,對於一些想培育小朋友創意的家長,Herbert建議家長可以購買Lego LCS store的散件,讓小朋友自己發揮。

觀察到孩子的另一面

「我記得有一次我喺度砌緊個show case,細仔在旁觀察,然後突然創作了幾件作品。你會見到小朋友透過觀察、模仿、自己再諗。你會發現小朋友嘅觀察力其實好強,家長可以畀空間小朋友自己發揮,亦會睇到小朋友的另一面。」

「砌Lego可以培養小朋友興趣,亦能夠睇到小朋友嘅性格。好似我大仔,佢唔鍾意跟說明書砌Lego,會自己創作一個新嘅作品,因此大仔嘅藝術天份亦比較高,鍾意畫畫;而細仔就喜歡跟說明書砌Lego,相比起哥哥,細佬嘅科學同數學會比較好。」

(照片由受訪者提供)

兒子喜愛觀察及模仿爸爸

Herbert 指出,小朋友尤其是男孩子會經常觀察爸爸的一舉一動,並從爸爸的舉動中學習,「小朋友尤其是男仔,佢哋會覺得個Father Figure係好緊要。佢哋會好睇住爸爸嘅舉動,例如我創作一啲『唔跟圖』嘅作品,佢哋會覺得好神奇,其中我有一個Q版IQ博士嘅作品,我大仔就因此DIY咗一個Q版嘅櫻木花道。」Herbert亦分享,現時每個月都會花2-3日,全家一起砌Lego,共享天倫之樂。

+11
本地拼砌達人組織東方之磚(Legend Bricks)創立10週年,特意展出生日派對蛋糕,與一眾大小LEGO迷同慶十週年之喜。

屯門市廣場 x LEGO ® x Legend Bricks 10週年呈獻 Bricks Adventure創意無限作品展

日期︰2020年6月3日至28日
時間︰中午12時至晚上8時30分
地點︰1樓中央廣場