Banpresto眼鏡廠景品展 買限定龍珠景品 率先睇QPocket百變小櫻

撰文:鍾世傑
出版:更新:

眼鏡廠「萬博祭 Banpresto Festo」展覽會,即日至4月初在荃灣廣場舉行展覽,除《龍珠Z》SMSP超西4會場限定黑白版,還有《龍珠》、《One Piece》、《迪士尼》及QPosket Q版美少女景品特價發售。

BANDAI子公司Banpresto(人稱眼鏡廠),一招夾公仔、一招「一番抽」,其實年中吸日本自由行香港客不少油水,你想要《龍珠》、她想要QPocket《哈利波特》,經過夾公仔鋪,總會夾它一千幾百甚至一萬幾千!

其實,香港本來就有眼鏡廠的行貨景品賣,近日眼鏡廠「萬博祭 Banpresto Festo」展覽會,即日至4月初在荃灣廣場舉行展覽,有《龍珠Z》SMSP超西4會場限定黑白版賣!還有QPosket最新作《百變小櫻》景品展出!其他《龍珠》、《One Piece》、《迪士尼》景品都有特價,實在不用去日本夾呀!

龍珠、QPosket 兩大系列景品男女通殺,不用去日本夾了。(鍾世傑 攝)
會場限定黑白版SMSP 超級撒亞人 4 孫悟空: $395 (鍾世傑 攝)
有巨型悟空背景板,可以去跟他合照。(鍾世傑 攝)
+11

場內景品定價簡單,大盒300/2隻、細盒200/2隻,買限定玩具景品送禮物,場內又有《龍珠》及迪士尼公主QPosket打卡位,影相放上SNS再tag #BanprestoFesto 會送你紀念品。

活動詳情:
日期 : 3 月 23 日(星期六)至 4 月 7 日(星期日) 時間 : 上午十時至下午十時
地點 : 荃灣廣場長廊

連日本都未發售的QPocket《百變小櫻》景品公仔。(鍾世傑 攝)
QPosket的拍照背景版,影完放上網tag大會,更會送迪士尼公主sticker。(鍾世傑 攝)
+12
不只有《龍珠》、《迪士尼》,其他日本動畫的眼鏡廠景品都有賣,大盒300蚊2盒。(鍾世傑 攝)
當中還有少量一番抽的巨型figure,定價約250至350。
購買指定金額的QPosket公仔,還會送你同系列folder及小玩意,詳情見下圖。(鍾世傑 攝)