【賀歲片】《棟篤特工》挑戰4000萬 劉嘉玲票房追過梁朝偉！
撰文：許育民
出版：更新：
今日（26/2）已經初十一，連學生哥都返學，農曆新年假期正式完結。又同大家翻查下賀歲片票房，《黑豹》以$5,066萬穩坐第一位。至於華語片，黃子華佘詩曼《棟篤特工》無懸念成為冠軍，呢刻只係自我挑戰更高記錄。反而鬥得激烈的係《我的情敵女婿》同《捉妖記2》，兩部由頭鬥到尾，直至呢刻終於分出勝負。
《棟篤特工》以直升機作宣傅，結果票房都真係好似直升機咁向上發發發！（黃國立 攝）
《黑豹》在美國大獲好評，香港觀眾就一半半，不過都夠贏啦。（劇照）
總結整個賀歲檔票房，頭一、二位基本一上榜就冇變過，《黑豹》由頭帶到尾，在Marvel的加持下，票房已經達5,066萬，非常凌厲。不過作為香港代表的《棟篤特工》都冇失禮，數字上一直給予大家驚喜，兩日過千萬，4日收$2,000萬等，直至昨日（25/2）上畫10日，已收$3,748萬，以每日仍收百萬的進度計，3日就可以迎接4,000萬票房。
【棟篤特工 ‧ 影評】票房大賣 多得大家對黃子華同賀歲片的包容【棟篤特工】執生王C君轉數快 同爆肚王子華真係天作之合【我的情敵女婿 ‧ 有片】MC Jin客串現身 等埋位都有Free Style【我的情敵女婿】劉江過年短訊祝賀親友 反被回敬金句︰講呢啲
嘉玲姐今年同老公打對台，結果小勝。（劇照）
首兩位已經無可動搖，咁第三、四位呢？戰意高昂的《捉妖記2》，開畫前落足宣傳，銳意要大破上集紀錄，當然係講緊內地24億人民幣個紀錄，不過看走勢及口碑，內地被《紅海行動》及《唐人街探案2》夾擊，已無運行。反觀上集香港票房不足千萬，但續集開畫至今就收到$1,477萬，相信跟梁朝偉效應有關。
但這個數字亦只能讓它排第四位，第三有《我的情敵女婿》收$1,561萬，今次嘉玲老婆就叻過偉仔老公喇。而鬥到後段，就有《西遊記 ‧ 女兒國》以$827萬及《快D啦牛牛》$822萬，穩守第五、六位。
偉仔難得回歸喜劇，收千五算唔錯。（劇照）