【家和萬事驚】廿年前舞台劇搬上大銀幕 見證時代變遷

撰文:李婉文
出版:更新:

張達明昨日(24日)出席電影《家和萬事驚》放映活動。相隔二十多年,終於從舞台劇場搬上大銀幕,相信作為監製的達明感受一定非淺,他坦言:「感受太大啦,我哋想像唔到嘅事終於發生,都好艱苦㗎喎,廿幾年前寫嘅劇本,拍咗舞台劇,依家等咗咁多年,有人話拍戲喎,話拍咗好耐都未開到鏡,開到鏡喎,又搵到最好最啱嘅演員做到呢個戲,今日終於上映到喇!」

張達明表示非常感激邱禮濤導演,邱導演的處理方法和怎樣教導演員們演好每個角色的方式是最好的。(梁碧玲攝)

達明坦言能請到吳鎮宇、古天樂和袁詠儀等卡士演員參與拍攝電影也落足「咀頭」,他說:「我從來冇做過電影監製,所以都落足咀頭,亦都有大嘅力係因為鎮宇應承咗我做男主角。最重要都係我哋搵到最好嘅導演,最想拍呢套戲先嘅邱禮濤導演。」

他坦言因電影太長,所以剪走了羅家英和麥長青的戲份,他對兩位也說了聲抱歉。(梁碧玲攝)

將二十年前的舞台劇變成電影,達明稱當中時代轉變太多,劇本情節也需調節。他說:「廿幾年前嘅世界同依家個世界差幾遠,嗰時無手提電話,依家有手提電話,嗰時供樓好貴,依家供樓更加貴,有好多嘢一樣,但都有好多嘢唔同咗。更加唔同嘅係,嗰時舞台劇係細嘅製作,搵大家都唔識嘅師弟妹嚟演,依家搵到嘅係演技真係好嘅唔同嘅好演員。」

+4