【三夫】被陳果於合約加入任拍條款 曾美慧孜:對裸露戲沒有尷尬

撰文:洪曉璇
出版:更新:

第38屆香港電影金像獎將於今年4月14日舉行,今年各個獎項競爭相當激烈,由陳果執導的「妓女三部曲」最終一章電影《三夫》,一舉入圍角逐4個大獎,其中女主角曾美慧孜更被捧為影后大熱。呢日陳果及曾美慧孜接受香港開電視主持馬梓軒訪問,導演坦言自己揀女主角係睇緣份、合眼緣同時間點。

陳果及曾美慧孜接受香港開電視主持馬梓軒訪問。

《三夫》喺剛過去嘅第25屆香港電影評論學會大獎中,囊括最佳電影獎、最佳導演獎及最佳女演員三大獎項,《三夫》繼《榴蓮飄飄》、《香港有個荷里活》後相隔18年推出,陳果指自己選女主角看緣份、合眼緣和時間:「十年前我曾遇上小美(曾美慧孜),可惜嗰陣唔係啱嘅時間點,故未有邀請佢擔演女主角。」佢盛讚小美喺戲中功不可沒,忘我演出造就電影成功。

三夫》喺剛過去嘅第25屆香港電影評論學會大獎中,囊括最佳電影獎、最佳導演獎及最佳女演員三大獎。(資料圖片)

陳果亦好感激小美對自己十足信任,透露正式拍戲前,原來小美係完全無睇過劇本內容﹗小美嘅電影合約中,更被陳果加上一項「任你點拍」,接受陳導演拍攝時各種大膽安排,例如於中環鬧市中和大海裡拍攝親熱鏡頭。主持人問及小美對大量親熱鏡頭會唔會感到尷尬,小美直言:「我對裸露戲沒有一絲一毫尷尬」。早喺開拍前已經做足功課了解自己角色。陳果指戲中嫖客的角色由電影幕後人員擔任,大家就似一家人咁充滿有默契,小美仲笑言男工作人員比佢更害羞,令拍攝過程中笑料不斷。

去年年尾佢地去到東京電影節舉行座談會。(資料圖片)
+6

即刻投票,揀選你心水男、女主角,仲有你最撐嘅香港電影,即有機會獲得戲飛。

《香港電影我撐場.民選大獎2019》投票專頁:https://voteforhkmovies.hk01.com/