《第44屆香港電影金像獎》昨晚（19日）落幕，《尋秦記》入圍11項提名，不少粉絲去到會場外撐場，更在維港設置應援船，落力為古天樂、宣萱、郭羨妮、入圍「最佳女配角」的滕麗名及團隊打氣。不過，由於競爭激烈，最終《尋秦記》竟然食白果，與獎項無緣。有網民對賽果感到意外，發文問：「CLS點解尋秦記會一個獎都冇？！一套橫跨咗25年咁用心搵返晒原班人馬排除萬難先上到嘅製作，仲以為點都會有一個大獎……勁慘佢哋白坐咗一晚 😭😭」而活躍於threads的古天樂就親自留言安慰，表示：「咪住先大家唔使咁激動！😂其實係咪得獎真係好小事！最緊要係你哋喜歡同支持！我哋會繼續盡力拍好電影！👍🏿」