【2017十大戀事回顧】郭富城做人夫又做爸爸 余文樂迎娶千億女友
2017年認真喜事接踵而來，因為圈中有唔少明星都決定走入婚姻嘅殿堂。當中有四大天王郭富城終於成家立室，最終情定細22年嘅內地模特兒方媛，仲雙喜臨門做埋爸爸，幸福滿瀉！！但有人歡喜有人愁，好似拍拖2年嘅洪永城同唐詩詠咁，好多人都話唐詩詠係「不能錯過的女友」，可惜係呢段感情結束後被指是搭上富二代，搞到佢最後要爆喊澄清！
郭富城結婚兼做爸爸
一度被封為「鑽石王老五」天王郭富城今年3月與年齡相差22年的方媛在香港入紙註冊結婚，當時已盛傳方媛懷有身孕，但他們未有承認。其後4月他們低調在半島酒店設宴，並邀請好友張智霖及沈嘉偉一家出席。終於在今年9月城城在微博宣布升呢做爸爸，現在出活動時每逢提起囡囡，都勁sweet！
郭富城認「雙喜臨門」開枝散葉 提方媛甜笑：我年紀大但仲有活力
余文樂IG宣布結婚
去到年底，余文樂在IG宣布迎娶拍拖1年的台灣「皮帶大王」千憶千金王棠云，令大批粉絲心碎！他們婚禮在墨爾本舉行，十分低調。有傳今次是雙喜臨門，但2人未有承認。
余文樂老婆王棠云仲係億萬公主？ 家族企業曾負債要拍賣豪宅填數
【港女講感情】余文樂王棠云拍拖一年閃電結婚 Timing真係好重要
言承旭林志玲疑似復合
屢傳復合的台灣名模林志玲及言承旭，在11月中被拍到一齊在馬來西亞約會，令不少人都認為是「世紀大復合」。二人2002年開始傳緋聞，其後相戀數年分手，而這段戀情直到2016年才被林志玲承認。對於今次「世紀大復合」，雖然他們未有正面回應，但言承旭就回應傳媒指很開心與對方聯繫，希望外界給他們空間！
【港女講感情】言承旭林志玲世紀復合 兜兜轉轉只有一位難以代替
Twins愛情唔使交白卷
阿Sa同阿嬌呢2位女孩情路都算波折重重，到今年終於在感情上唔使交白卷喇！因為她們分別與「麻將館大王」太子爺石恆聰以及有「醫界王陽明」之稱的賴弘國拍拖，其中阿嬌亦不時在IG放上放閃照，獲得不少歌迷的祝福。
王浩信上位兼傳婚變
近年劇接劇上位兼受不少監製及廣告商寵愛的王浩信，9月份傳出與結婚6年的陳自瑤婚變！王浩信被指在拍攝《踩過界》期間，與女拍檔蔡思貝關係親密，導致婚變。沉默多時的王浩信在9月底出席活動時就一次過回應傳媒指「我同太太一啲都無事，放心！」事件才告一段落！
陳嘉寶與初戀結婚
有人曾經講過「初戀結婚概率僅1%」，我相信呢個一定唔係真嘅！因為今年27歲的陳嘉寶（Anjaylia）4月宣布與初戀兼身家半億男友黃頌祈拉埋天窗，而Anjay的索爆姊妹團有陳凱琳、陳瀅、蔡穎恩、吳嘉熙@Super Girls，都算係一時佳話！
林宥嘉日本舉行新婚派對
曾與鄧紫棋（G.E.M.）拍拖嘅林宥嘉，雖然分手後不時傳出他們反目成仇。但今年5月林宥嘉就在Facebook宣布與拍拖2年的台灣藝人丁文琪結婚，更花7位數字的新台幣到日本輕井澤舉行新婚派對，雙方家長及圈中好友S.H.E.成員Selina與Hebe等近30人見證感動場面。而G.E.M.感情亦有着落，與JW前男友任職造型師的Mark拍拖。
【吉時11點前】林宥嘉fb求婚丁文琪說好 台藝人傳媒狂like
林宥嘉唔止要結婚仲要生仔 30歲前做爸爸：有體力的時候就可以
袁偉豪爆出同細11年港姐張寶兒拍拖
袁偉豪與前女友岑杏賢分手不久，今年5月爆出與曾合作拍攝《打工捱世界》的張寶兒擦出愛火，二人亦愛得高調，不時被拍到去shopping同旅行，除夕更情侶檔出席活動，實行有錢齊齊搵！
陳柏宇喜事齊來
出道10年今年才首次踏上紅館的陳柏宇（Jason），可以話係喜事一單接一單，因為他今年7月與拍拖5年的女友符曉薇（Leanne）結婚，在九展筵開40席宴請親朋戚友，佢地更話希望可以快啲生B做父母！
陳柏宇英國影結婚相乘機shopping 大男人唔會幫老婆拎手袋
唐詩詠洪永城分手
拍拖2年的唐詩詠同洪永城，有不少人都睇好呢段「洪唐戀」可以開花結婚，可惜在今年5月就傳出2人分手，其後他們在IG大方承認事件。有指唐詩詠搭上盧啟邦導致分手，其後她更為此事感到勁委屈，忍唔住爆喊表示，「我從來唔係一個貪錢嘅人！ 點解講到我好似畀人包咁！」我見猶憐！