【張學友演唱會】歌神賣靚聲再賣熱舞:57歲跳成咁真係唔好講笑!

撰文:吳子生
出版:更新:

張學友《A CLASSIC TOUR學友.經典 》世界巡迴演唱會由2016年開始,走遍中國各地及遠至英國法國等地舉行,演唱超過200場,可以話打破學友極限,而他今晚(11/1)終於重返香港!學友香港紅磡體育館舉行一連15場的香港站「再見」演出,今晚的首場表演在8點15分準備開始,館內座無虛席,現場氣氛狂熱,一開始學友便在舞台中央的升降台上升起,唱着《我與你》為演唱會揭開序幕,全場歡呼聲不斷,歌迷跟著節奏揮動手中螢光棒,場面墟冚。

【張學友演唱會】歌神自認取消場次最多歌手:我明白華仔心情!

【張學友演唱會】儲齊紀念品只需$1540 激罕限量碟都有得買

香港觀眾睇演唱會一向都唔算十分準時,但學友準時於晚上8點15分在升降舞台上出現。遲到嘅觀眾看不到學友升上台一幕之餘,其實亦聽不到第一首歌,因為大會規定了學友唱完第一首歌後,遲到觀眾才可以入場。
+5

之後,學友一口氣唱了多隻首本名曲,既有輕快舞曲,又有傷感情歌,到《忘記他》時,學友更與性感女舞蹈員大跳貼身舞,此外,他亦表現親民一面,期間一邊唱一邊走到舞台周圍與歌迷近距離握手。

演唱會中途,學友開玩笑問現場歌迷:「大家鍾意我跳舞嗎?」又問:「究竟仲得唔得㗎?真係仲跳得?」全場回應話:「得!」學友笑說:「我都唔呃大家,其實我都57歲啦,57歲仲跳成咁真係唔好講笑,如果今次唔睇張學友,都唔知仲有冇得睇呀,我唔知道下一次仲跳唔跳到,如果仲跳得到,我一定會仲跳!」搞到全場歡呼拍掌。

除了唱歌,學友更落力跳舞,絕無欺場。
非常親民的學友主動到台邊與歌迷握手。