【極度怪咖】湯怡首拍TVB劇集 唔怕同王浩信傳緋聞

撰文:
最後更新日期:

向來主攻電影嘅湯怡,最近出演無綫新劇《極度怪咖》,於劇中飾演中學教師,但受命要做社團話事人,結果搞出唔少笑料,要由王浩信幫手處理。湯怡透露由於自己較為慢熱,故開工初期都幾唔慣。「好在之後熟咗,就知我都可以好搞笑同好癲。劇中我同王浩信有感情戲,不過其實佢只係搵我過橋掩飾自己係gay,開頭都有啲緊張。」

湯怡首次拍攝大台劇集,並飾演中學老師。(葉志明攝)

王浩信向來都多緋聞,問回復單身嘅湯怡怕唔怕「中招」,佢話唔會特別去諗,因為王浩信於劇中成日被咁多位女主角包圍,故無需太避忌。「不過其實佢好好,教我好多拍劇要留意嘅嘢。」湯怡表示劇條與電影差不多,加上自己已非新人,所以並非太擔心。

王浩信緋聞多多,湯怡話唔會特別避忌,仲讚對方細心教戲。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。