【極度怪咖】TVB臨記劉何志拍劇後猝死 莫家淦:踩多啲賺多啲

撰文:鄺鈺瑩
出版:更新:

日前有臨時演員收工後猝死街頭,身為同劇《極度怪咖》演員嘅莫家淦,表示臨時演員的工時十分長,而且可隨時被取締,絕對稱得上搵食艱難。「臨時演員唔同藝員咁計場次,面係計時間,所以每次都返9小時以上。我試過收夜廠再第二日開早,見到都係嗰個臨時演員,其實情況好似的士司機咁,你踩多啲咪賺多啲,但相對地危險,因為唔夠休息時間嘛。」

莫家淦透露曾遇過日接夜嘅臨時演員,又指他們的工作十分長。(葉志明攝)

待遇方面,莫家淦指臨時演員出外景也會有膳食安排。「其實大家都有飯盒食,不過藝人就由場務負責,臨時演員就由佢哋阿頭分發,但食嘅嘢都一樣。」

莫家淦今日現身《極度怪咖》拜神儀式短短幾分鐘,就要返回《愛回家》廠景,十分忙碌。「剛剛拍完《黃金有罪》,就收到信話《愛回家》加集數,自己有幸參與,可能會同衛志豪有感情戲架。」莫家淦去年推出單曲《無可替代》後,工作量大增,令他有信心今年再出歌。「去年係好認真咁試水溫,反應好好,而家做mc job都會唱埋歌。」

去年出歌後,莫家淦工作量大增,劇集也一部接一部。(葉志明攝)