【大老千】大讚蔡瀚億馬志威表現最好 王晶盼與張振朗合作

撰文:
最後更新日期:

TVB劇集《荷里活有個大老千》一眾劇中演員今日(20日)聚首一堂吃新春開年飯,擔任劇集監製的王晶表示對於劇集被安排在「炮灰檔」,過20點的收視已經非常滿意:「之前係24點,以口碑來講我覺得呢部劇已經相當唔錯!」

王晶、鄭則仕、李施嬅、張慧儀、王子涵等一眾《荷里活有個大老千》劇中演員再度聚首吃新春開年飯。(葉志明攝)

對於有份演出的女兒王子涵有什麼評價?王晶說:「個人來講比佢合格分啦,網民一啲人鍾意、一啲人冇咁鍾意梗有,不過整體來講叫係幾好喇!」由於王子涵背負着「王晶女兒」的身分,觀眾亦會更加對她的表現有更高要求,王晶笑稱不介意能把女兒「送出去」:「唔好成日喺我嘅戲裏面喇,啲人會覺得『啊,你成日都幫住佢!』最緊要佢肯繼續努力,無論喺邊個劇組邊個導演手上都能夠做得好先最重要。」

王晶指明大讚Babyjohn(左)及馬志威(右)表現最令他有驚喜,並希望往後能與新生代演員有更多合作的機會。(葉志明攝)

另外,王晶特別點名大讚Babyjohn(蔡瀚億)、馬志威及吳業坤(坤哥)的演出最令他眼前一亮:「估唔到Babyjohn同埋坤哥嗰個配搭咁精彩,竟然可以咁夾。至於馬志威,我估到佢會得嘅,但我都唔敢100%,我以前都監製過佢一部愛情片,佢轉呢個型我覺得佢得,但係唔敢講話佢一定得,不過佢真係做得好好!」他笑說以後一定會繼續與三位合作,而且表示自己與TVB關係好好,不排除會再次孖TVB合作拍劇。被問到有沒有特別想合作的TVB藝員,王晶說:「張振朗啦,我幾鍾意!」

早前有報道指王晶與20歲內地女演員雲千千手拖手上公寓,他表示已進入法律程序,無法回應。(葉志明攝)

+10
+9
+8

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。