【3日2夜】生「一粒粒」仲着比堅尼玩激流　蘇可欣：要搵遮瑕膏遮

無綫旅遊節目《3日2夜》泰國清邁篇由蘇可欣（Eunice So）以及鄭衍峰（Leonard）做主持。上一集兩位主持就已經帶觀眾遊覽了當地名勝古城、點天燈多個景點，而今集就終於來到了《3日2夜》的重頭戲－玩激流。不過，蘇可欣接受《香港01》訪問時就表示，原來拍攝節目的時候她是帶病上陣，而食完隨團攜帶感冒藥後，就出現敏感。「第二日食完藥就越拍越唔對路，之後仲起晒一粒粒，但重點係未拍落水（玩激流部份），仲要著泳衣㗎。」

上集精華：【3日2夜】鄭衍峰鏡頭前一語道破女神缺點 蘇可欣反擊：你有啲虧

後來她為了解決皮膚敏感的問題，就自己去了藥房買藥。「嗰邊呢如果要食藥嘅話一定要去睇醫生，所以就淨係買藥膏止痕。我拍嘢嘅時候嗰啲粒粒仲都未消㗎，之後我又用啲搵遮瑕膏遮住。」那麼泰國藥膏是否見效呢？她笑言：「我都唔知咩牌子嚟，哈哈，個店員畀咩我，我就買咩。而家隔咗咁耐都好返啦。」