陳柏宇撇低妻女「中佬上廣州」 過千粉絲撐場逼爆三層商場

撰文:
最後更新日期:

為新歌《中佬旅行團》四出宣傳的陳柏宇(Jason)日前到廣州某商場為星期六(23日)舉行的《SPEECHLESS演唱會廣州站》造勢,與當地過千名粉絲見面玩遊戲,可見「中佬」人氣依舊!

Jason已經多年沒跟廣州粉絲見面,引來大批粉絲已經一早到場霸靚位,更把三層商場逼爆。

Jason雖然平日經常把寶貝女Abigail掛在嘴邊,話題又總離不開湊女大小事,但他絕對沒有因此忘記歌迷,於是撇低女兒「中佬上廣州」。由於Jason已經多年沒與廣州粉絲見面,大批粉絲已經一早到場霸靚位,更把三層商場逼爆只為一睹Jason風采,場面墟冚!Jason見到歌迷到場當然非常開心,不停與位於高層位置的粉絲揮手,又發揮無厘頭本色,搞gag𠱁歌迷開心,令現場氣氛非常熱鬧。

Jason日前到廣州與過千名粉絲見面,為星期六演唱會造勢。

Jason表示得到廣州歌迷如此歡迎感到相當驚喜:「當然好開心,冇諗過咁耐冇去廣州,啲歌迷都仲好支持我,當日亦見到好多新面孔,其實真係好想有多啲時間同佢哋傾吓偈、交流吓,可惜時間所限。我一定會以最好嘅演出去回饋返俾大佢哋,答謝佢哋嘅支持!」另外,《SPEECHLESS演唱會廣州站》的門票都已經全部售罄,Jason對買不到票的歌迷給另一個建議:「嚟緊我會開深圳站演唱會,所以如果今日撲唔到飛嘅,或者咁啱嗰日唔得閒嚟嘅,可以嚟深圳睇我呀!等你哋!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。