【法證先鋒IV】李施嬅六月回巢重拍不計酬勞:唔可以自私只諗自己

撰文:
最後更新日期:

李施嬅(Selena)今日(9日)出席護眼活動,講到因為「安心事件」,《法證先鋒IV》即將重拍黃心穎的相關戲份,李施嬅即使已離巢TVB,亦會回去進行補拍,她說:「其實係影響到好多人Schedule,但我自己有少少唔捨得,因為我之前喺TVB拍咗咁多年戲,要離開其實有啲心嗡,今次可以返去再拍,係有少少開心可以同佢哋再見面,有少少掛住佢哋;所以就算影響後面嘅Schedule,我都會盡量配合。」

Selena有份演出的《法證先鋒II》正在深夜時段重播,她就說自己近來都不在香港,所以沒有時間重看。(陳順禎攝)

Selena預計六月中旬回巢重拍《法證先鋒IV》,當問到受影響的部份大不大時,Selena說:「其實仲未落實有幾多,因為而家仲調整劇本,所以仲未知實際要用幾多時間補拍。我諗小青姐(監製)會盡量安排唔影響到大家,因為佢都知道要所有人返嚟拍,係大家都已經有其他工作。」當問到回巢拍攝收取多少酬勞時,Selena回應:「我又冇諗酬勞,因為我覺得呢刻唔可以自私只諗自己,呢件事係個團隊嘅事,一齊去面對;唔會話離咗巢就可以要求多啲錢,希望盡量令件事更好。其實係可以返去見下啲同事又開心,套劇可以成功出街已經係最大酬勞。」

離巢後的李施嬅有更大自由空間,她透露日後有機會去美國拍電影。(陳順禎攝)

現年38歲的Selena被網民大讚保養得宜,她亦不吝嗇地分享了一些心得:「真係唔可以懶,要做運動;盡量飲多啲水、少啲珍珠奶茶;食得健康啲,我會盡量食多啲素,少啲食肉,因為肉好多毒素。如果大家都可以調整食得健康啲、清啲,皮膚就會靚啲、後生啲。我有啲朋友係食全素,雖然年紀都大,但睇落去仍然好年輕。」

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。