【法證先鋒II】江富強曾參與逾200作品:我呢啲two fighting six

撰文:
最後更新日期:

最近因為「安心事件」,令原本有黃心穎主演的無綫劇集《法證先鋒IV》需要重拍,原定於11月播映的檔期,還待6月份重拍事宜完成後才得以正式落實。不過各位《法》迷不用太過心急,因為無綫最近將三輯《法證》系列劇集於深夜劇集時段重播,待播完《法證先鋒II》之後,《法證先鋒III》亦緊隨其後。昨晚(12日),《法證先鋒II》第29集中,歐陽震華以及佘詩曼終於找到卓嵐(陳丹丹飾)的真正份,而在卓嵐的回憶片段中,出現了其男友海哥容兆海的死亡過程。

容兆海因撞車意外後而被汽車爆炸炸死。(電視畫面)

飾海哥的演員叫江富強,外號刀疤

其實有留意開TVB劇集的觀眾,對「海哥」的樣子一定不會陌生,而事實上,「海哥」亦經常在不同劇集出現,例如剛播完的《鐵探》、上月播完的《福爾摩師奶》、年初播放的《大帥哥》等亦可以找到他的足跡。「海哥」,其實名叫江富強,行內有個花名叫刀疤,入行已經達30年了,江富強接受《香港01》電話訪問時笑言:「我哋呢啲two fighting six(二打六),點會有人留意吖!」
今年58歲的江富強約於30年前因為就讀一個關於動作演員的訓練班而入行開始拍電影,約於2001年才正式加入無綫:「可以話係動作特技演員啦,即係俗稱嘅龍虎舞獅呀!(點解叫刀疤嘅?)因為我身上面好多疤痕,左、右手、面上都有,所以啲人咪叫我做刀疤囉!」

刀疤稱入行至今雖然仍會間中做司機或保鑣等兼職幫補家計,但直認收入不錯,夠錢組織小康之家,結過兩次婚,育有3名兒女。(受訪者提供)

一入行就與劉德華對打!

刀疤在加入TVB之前,已在多部電影作品演出、助理指導或動作設計,電影與劇集合計,粗略估計刀疤已參與無數影視作品,他笑言:「實際我又冇數過喎,但200部應該都有嘅。」提到入行首個作品,他指第一次開工即與劉德華打架:「嗰時係拍《獄中龍》,咪同劉德華喺碌架床對打嗰場囉!不過佢真係好好人,我記得我拍嘅時候都有唔覺意真係打到佢,但佢都唔介意,仲叫我放膽去做。」而除了劉德華之外,刀疤亦提到林嶺東和周潤發:「嗰時拍《監獄風雲II逃犯》嘅時候,我曾經替(身)過陳松勇跳崖,最後唔小心拗咗柴,都係發哥扶我上白車。其實佢哋對我好好,記得有次我受咗傷,都係佢兩個畀機會我去拍《目露兇光》 (1999)。」

《獄中龍》中的刀疤。(影片截圖)

刀疤在《監獄風雲II逃犯》跳崖受傷的一幕:

+7
+6
+5

不過刀疤哥同TVB嘅約去到8月左右就完約,問他去向?他笑言:「睇吓公司同唔同我傾囉,如果唔簽嘅都冇辦法,香港唔會餓死人嘅,咪唯有轉行囉!」(受訪者提供)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。