【法證先鋒IV】湯洛雯捱義氣頂黃心穎角色:有Send短訊同佢講聲

撰文:
最後更新日期:

湯洛雯(靚湯)今日(11日)出席《婚姻合伙人》活動,劇中飾演男主角郎朝勇(楊明飾)妹妹郎朝信,並與黃德斌有感情線:「佢係花花公子、城中富豪,我性格就比較愛恨分明,其實一開始對佢有偏見;後來佢受傷嚟咗我哋醫院,咁啱又係我照顧佢,然後就開始發展。」

湯洛雯今日以伴娘造型出席電視劇《婚姻合伙人》宣傳活動,非常「Gfriendable」。(陳志嵐攝)

「安心事件」不但為大家製造茶餘飯後的話題,亦對娛樂圈造成一定影響,《法證先鋒IV》監製梅小青日前便宣布花費千萬重拍黃心穎的相關戲份,而黃心穎的角色由湯洛雯頂替,靚湯說:「六月頭開始拍,所以得返兩、三個星期揣摩角色,又要Keep Fit。」問到有否在事情發生後與好友黃心穎聯絡,靚湯說:「佢而家需要啲空間,所以都唔Comment太多。我都有Send短訊去交代呢件事、講聲接咗個角色。(心穎有回覆?)呢方面唔講太多喇。」

雖然準備時間很短,可是靚湯卻對自己有信心。(陳志嵐攝)

監製梅小青要求靚湯在拍攝前體重要減去10磅,湯洛雯說:「因為我都有啲肉地,但女仔開心有自信就咩身材都好睇;但上鏡就始終瘦啲會睇落靚啲,所以我都好願意去配合。我對自己身形肥下瘦下都冇乜所謂,反而健康最緊要。」為了準備拍攝,靚湯已經開始減磅數天:「今次幾管齊下!又節食、做運動、按摩推拿,幾樣加埋一齊我相信都快嘅,因為我自己本身係偏水腫,所以體重都容易上上落落。(如何節食?)係食得健康,始終六月都比較忙,所以都唔想身體底子太弱。朝早飲Smoothie、晏晝食澱粉質、夜晚就食菜同肉,但冇話跟一個好實嘅餐單。運動方面就每日做一個鐘帶氧運動、再加少少肌肉鍛鍊,喺屋企都做到。」

靚湯說自己在減肥方面都略有經驗,所以不用好友羅天宇幫忙指導。(陳志嵐攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。