Robynn & Kendy與基層家庭包糭迎端午:小朋友仲包得叻過我哋!

撰文:
最後更新日期:

Robynn&Kendy周六(1日)出席「奇『義』糭子慈善工作坊」活動,與基層家庭一起包糭以迎接端午節的到來,又身體力行為慈善出一分力。她們都說今次是第一次包糭,Robynn說:「我自己冇包過糭,小朋友仲包得叻過我哋!」Kendy又覺得包糭有難度:「我上個禮拜有包餃子,同包糭差唔多都係放啲料入去再包埋佢,但我覺得包餃子容易啲!」Kendy又認為今天自己包的糭沒有很好看,連小朋友都嫌棄。

Robynn & Kendy今日與基層家庭及捐款支持活動的公眾一起包糭以迎接即將來臨的端午節。(葉志明攝)

Robynn & Kendy今日與小朋友相處得不錯,Robynn說:「好開心見到佢哋一家人有親子活動,我覺得係好難得嘅一件事,記返自己端午節都係食糭多,包糭對我嚟講都係個好嘅體驗。」Kendy又說:「好少可傳統節日可以圍埋一齊,我已經好幾年冇去慶祝呢個節日。」二人又分享平時都有做義工的習慣,Robynn說:「得閒嘅星期日都會喺教會照顧小朋友,所以今日都好開心。」Kendy說:「我之前都有去內地啲小學義教英文。」

【浸信會愛羣社會服務處】 開飯服務 - 童心飯堂:每 $10 = 1個基層兒童一頓熱飯

https://heart.hk01.com/zh/project/10123

Robynn處於新婚期,對於生小朋友還是隨緣就好。(葉志明攝)

Robynn & Kendy今年成軍七年,Robynn說:「嚟緊都會有新歌畀大家聽到,希望會有唔同嘅演出機會同大家見面。」說到七年間最難忘的事,Kendy說:「講起七年有好多回憶湧現,每一件事都好難忘,最難忘係兩年前個Show(《Robynn & Kendy & Friends音樂會2017》)。」Robynn則說:「有時候喺音樂圈做做下會覺得幾Lost(迷失),但回望返就覺得完成咗好多創舉:出嘅每一隻碟、開每一場Show、走過唔同城市,所有點滴都好難忘。」面對團體的七年之癢,她們就以擁抱現在的心態一起去面對。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。