【婚姻合伙人】林秀怡真身上連登 大膽回應網民:講咩都冇乜所謂

撰文:
最後更新日期:

林秀怡(Kirby)周三(29日)與電視劇《唐人街》一眾演員及工作人員進行收工飯聚,談起正在熱播的電視劇《婚姻合伙人》,林秀怡在劇中飾演施嘉露,是貝競枝(高海寧飾)的好朋友。隨著劇集的討論度越來越高,林秀怡亦隨之入屋,令到更多觀眾開始認識她,Kirby說:「開頭冇諗過呢套劇有咁多人支持,好開心而家有咁多人鍾意,大家都冇話有好多惡言出嚟,多謝大家口下留情!」

林秀怡在《婚姻合伙人》中憑施嘉露一角成功入屋。(陳志嵐攝)

林秀怡在劇中與陸永是一對歡喜冤家,及後二人更會發展成一對情侶,二人之間打打鬧鬧的戲份引來不少笑聲,Kirby說:「我超級多謝陸永,因為呢個對手令啲笑位係更加升級咗。我哋拍嘅時候完全唔尷尬,唔知點解佢完全唔當我係一個女仔!有記者問佢揸我Pat嘅時候係咩感覺,佢話:『點解我哋拍嗰時我完全唔覺係個Pat?』即大家只當佢係一嚿肉,同揸手臂一樣!」

林秀怡與陸永之間的化學反應十分逗趣。(劇集截圖)

在劇中林秀怡與陸永有一場浴缸戲,Kirby身穿吊帶喱士睡衣上陣,被指甚是性感:「其實嗰場戲我都特登揀咗件比較多布嘅衫,因為我驚電視尺度唔出得街,好彩最後都過到。」Kirby不時都會在個人社交媒體展示傲人身材,被問到會否想拍多些性感戲份,她就笑說:「我應該行唔到性感路線,因為我又稍為肥啲啦,又似啲男人啦,行唔到索女路線。」Kirby又直言自己能接受的性感尺度:「到到都露得,就唔可以露手臂同肚腩!(真係到到都露得?)都還可以,點嗰啲就梗係遮住,其他都OK!」

林秀怡可接受的性感尺度很高!(劇集截圖)

林秀怡最近又化身網民,親自到討論區連登回應網民意見:「其實我一直都有睇連登嘅留言,睇睇下就見到高Ling(高海寧)出現,佢又叫埋我一齊上去傾,我就開始覆大家嘅留言。過程中都開心嘅,見到啲話我好核突嘅留言,我就會覆返話:『唔好咁啦,俾下面睇下啦!』好似大家都開心啲,就少咗唔好嘅留言!」關於留言比較大膽這件事,林秀怡大方回應:「我都係時下年輕人嚟,佢哋講得出我就答得出,大家都喺網絡世界,應該講咩都冇乜所謂,盡量唔好人身攻擊就OK。」

林秀怡在網上留言大膽!當有網民說要J她,她留下一句:記住抹返!(陳志嵐攝)

林秀怡在《婚姻合伙人》算是第二女主角色,但及後都是演配角居多,Kirby就說自己並不會因為角色戲份的多少而不高興:「其實喺呢行都習慣咗,可能上一套劇有啲對白講嘅,下一套劇就可能係路人,都習慣咗呢種模式;希望嚟近嘅每個角色我都盡量做好佢,希望多啲人留意到我。」Kirby又表示自己喜歡演喜劇:「鍾意拍喜劇因為拍嘅時候開心、睇嘅時候開心、人哋睇到都開心,我好鍾意呢種感覺。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。