【開心速遞】歐陽震華同群姐CP戲終於出街 上演英雄救美深情對望

撰文:
最後更新日期:

無綫處境劇《開心速遞》日前已經衝破了600集,正邁向700集,收視和口碑至今依然強勁,劇情的發展更不時會給觀眾同網民帶來驚喜,有時甚至會出現大暴走的情節,可謂充滿創意。早前該劇就特地請來歐陽震華 (Bobby) 入劇組客串演出兩集,與在劇中非常傾慕他的群姐 (許思敏 飾) 大演對手戲。

Bobby同群姐係劇中最新CP。(葉志明攝)

Bobby曾在電台訪問中透露,今次客串是他主動跟TVB高層曾勵珍提出:「群姐默默耕耘咗30幾年,佢好有心做戲,做我哋呢行好需要鼓勵,又或者當係獎勵啦,咁我返去就可以出師有名話『我返嚟同群姐做兩集啦』,大家都好開心。」而他們亦已經拍畢了這兩集,當日還安排了記者探班,群姐難掩興奮表示:「我真係好開心,冇諗過真係有機會同佢一齊拍劇仲有對手戲,今次我演藝妓,佢演才子,呢個設計好完美,你睇下大家都好靚呀。」兩人均以古裝造型上陣,唔通是玩穿越?

Bobby話係佢主動提出今次客串。(歐陽震華微博圖片)

下星期一 (6月24日) Bobby客串的兩集終於播出街喇,在預告片中見到扮演藝妓的群姐不小心叉錯腳,跌了落樓梯,此時Bobby即上演了一幕英雄救美,飛身撲向群姐並抱住了她,兩人隨即來個情深對望。到底他們的戲有幾咁搞笑,好快就有得睇。Bobby同群姐都坦言希望這兩集的收視可以衝過30點,Bobby仲話如果大家鍾意,他將來都可以再「回家」玩下㗎。

群姐化身青樓藝妓。(電視截圖)

點擊下圖逐格睇Bobby同群姐呢場戲預告嘅精華片段,以及佢哋之前嘅拍攝花絮靚相:

+16
+15
+14


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。