【REBOOT】周國賢超能力的悍警:整到個人傷晒!

撰文:
最後更新日期:

由周國賢、吳浩康主演的ViuTV全新喜劇《REBOOT》將由7月8日起,星期一至五晚上10時正播放。故事講述意外獲得超能力的悍警周末(周國賢飾)、古惑仔刀boy(吳浩康飾)、虔誠神父來福 (駱振偉飾)及純樸善良的汪汪(楊尚友飾)察覺到深水埗被邪教入侵,四人誓要將眾人拯救。

周末(周國賢飾) 年約36歲,曾經是深水埗警區重案組成員,現為警署證物房「打雜」。性格偏執,做事一往直前,靠的是一股打不死的蠻勁。他不相信有破不了的案子,事事追查到底,但亦因為他的偏執與衝動,終在半年前闖禍,捲入洗腦陰謀之中。憑著打不死的精神,沒想到一直被同袍視為警察之恥的劉樺,竟然在這次對抗洗腦集團的過程中發揮關鍵作用。

周國賢日前拍攝時,與著名武打導演范秀明做對手戲,當中不乏動作作面,鏡頭前三兩下招式范導已將周國賢制服:「咁范導係武打導演,功夫當然係好啦,呢場講佢誤會我偷咗銀包,佢就制服我,其實拍完之後都痛痛地架,我明白呢啲叫真功夫。」周國賢亦表示自己少拍動作場面,試過缺乏武指情況下開工:「我之前有套電影,佢地冇請武指,但又叫我做好多危險動作,係唔識保護自己情況下,整到個人傷晒,之後都有少少陰影,但係喺未來我仍然想參與到多d動作電影。」他又表示想擺脫書生形象,笑言:「我都想學功夫同打拳操練,想喺未來將d男性剛陽味抆出嚟。其實之前都有操過,但之後又迷戀返上跑步,一跑步就搞到d肌肉冇晒,所以如果之後要操返大份d,都會跑少d。」

周國賢今次飾演警察,會唔會好敏感呢?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。