【沙田遊行】TVB綠葉鄭家生單拖挑機 喝停示威者:搞到香港亂晒

撰文:
最後更新日期:

因為一條逃犯條例,最近香港發生多次遊行示威,示威活動延至沙田,日前於新城市廣場發生騷亂事件,警方和市民都有多人受傷。這兩日,都有不少市民前往新城市廣場要求商場的物業管理員交代當日事件,並且圍着商場保安。TVB金牌綠葉鄭家生在今日傍晚時間經過新城市廣場,目擊保安被圍經過,上前喝止市民,不過卻被市民者反過來罵他是「茄哩啡」。

沙田新市城被示威者圍。(資料圖片)

+12
+11
+10

《香港01》致電鄭家生了解事件,他指自己做完gym後經過新城市廣場,發現一班人圍着商場保安,便上前喝前他們:「佢哋(市民)圍住啲保安要人交代,交代啲乜啫,電視都影晒喇,嗰日我喺電視了解事件(7月14日),其實乜都影晒喇,啲人都唔通氣,恃住人多就圍人、靠惡,唔講道理。」鄭家生更表示,他見到一名年青人,在現場不停叫店舖落閘,他指:「當自己指揮官啊?人哋唔使做生意咩!」

鄭家生與市民互罵。(網民片段截圖)

鄭家生指示威者搞亂香港。(資料圖片)

鄭家生表示現在香港太亂,再這樣下去香港會散,他說:「而家啲人都好離譜,搞到香港亂晒,係咪要令到解放軍落嚟,美國佬咪開心囉。我去到班人面前,叫佢哋唔好圍,佢哋就係咪鬧我,話我茄哩啡,我咪話:『你打我囉!』佢哋緊係唔敢喇。其實咁樣落去大家都死,我覺得呢班人應該靜一靜,呢班人都係搞事,和平示威啲人都散晒喇。」

鄭家生最出名角色一定係奔雷手。(畫面截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。