【十二傳說】劉佩玥曾與鼻鼾鬼同眠:我嗰晚都瞓得好好

撰文:
最後更新日期:

劉佩玥 (Moon) 出席有份主演的劇集《十二傳說》宣傳活動時,分享了她親身遇過的靈異經歷。她說:「嗰時我做緊空姐飛咗去上海,入到間酒店房我聞到好大陣煙味,咁我就同酒店職員講話想轉房,佢哋話啲booking好爆,只能夠轉間尾房畀我,我本身唔驚住尾房嘅,就入咗去住啦。到我瞓覺嗰時,我聽到耳邊有男人扯鼻鼾嘅聲,當時我好嬲,因為我好攰好想瞓,於是好大聲話唔好嘈!之後就無晒聲,我嗰晚都瞓得好好。」

Moon是基督徒,自言唔驚黑亦唔驚鬼。(陳順禎攝)

原來Moon屬大膽之人,身為基督徒的她唔怕黑、唔怕鬼亦唔怕昆蟲。她說:「我覺得鬼怪呢啲嘢寧可信其有,不可信其無,但係只要做人光明正大,光明磊落,就唔使驚。萬一唔好彩遇到,如果佢搞你嘅話,要畀佢知道你係強勢過佢就得,當然你又唔好走去搞佢啦。」而她做空姐時亦聽過不少同事的撞鬼經歷:「有同事試過見到有嘢喺泰國跟住佢,跟到佢上機返埋香港,佢唔返得屋企,要即刻去搵師傅幫手處理。」她笑言自己唯一驚的就是她媽媽。

Moon笑言自己只會驚佢媽咪一個。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。