【包青天再起風雲】獲何家勁拍片鼓勵 張振朗:佢演嘅展昭係經典

撰文:
最後更新日期:

《包青天再起風雲》以青年包拯查案奇情作為藍本,劇中起用譚俊彥飾演包青天、曹永廉飾演公孫策,而張振朗則是飾演展昭。雖然劇情與1993年版《包青天》就不盡相同,但新舊版角色就不時被觀眾和網民拿出來討論以及比較。要數最多人討論的,莫非分別由張振朗和何家勁飾演的新舊版展昭,舊版器宇軒昂、武功高強又同時充滿住正氣,完全是正義的化身;而新版則帶半點親切感以及搞笑,甚為討好。不過話說回來,除觀眾有留意新版展昭外,原來何家勁(勁哥)都有留意...

兩代展昭,其實各有各特色。不過論受歡迎程度,當然是何家勁飾演的更勝一籌啦。(電視截圖)

日前(16/8)張振朗的個人IG貼出一段勁哥給張振朗的短片。勁哥在片中說:「阿朗你好,我係勁哥。聽講你嘅展昭就快上啦,希望你再創經典!知道你演展昭,勁哥都準備晒啲行李執包袱㗎啦。加油,加油,加油!」而張振朗則在帖文中寫道:「你是我心中永遠的《展昭》!多謝勁哥。」他接受《香港01》訪問時,就表示得到何家勁的「加持」十分開心:「要多謝勁哥,因為有真正嘅展昭鼓勵我,我真係好感激。同埋佢演嘅展昭係經典,所以我做到屬於自己嘅版本就心滿意足。」

何家勁真係型。(網上圖片)

他更說,自己十分希望將來可以與「勁哥」合作:「拍劇或者出一個活動都好吖,會係一個好有紀念性嘅回憶。」想與他拍甚麼劇集?張振朗說:「而家興穿越劇,或者兩代展昭因時空交錯令到同一時間出現為包大人打工都唔錯。」

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。