TVB主播鍾煒喬曾暴肥至260磅 勉勵男士人人都係潛力股

撰文:
最後更新日期:

TVB主播鍾煒喬(Matt)自從去年離開有線電視後,加入TVB短短8個月已經獲得眾多出鏡機會引起關注。不過,別看他現在外表陽光、有型大隻, 原來阿Matt都有過一段黑歷史!

TVB主播鍾煒喬(Matt)自從去年離開有線電視後,加入TVB短短8個月已經獲得眾多出鏡機會。(Facebook:@Matt Chung鍾煒喬)

小時候的阿Matt是肥仔一名,中三時更加重達260磅,與現在判若兩人。他笑言小時候的自己非常貪食,是個「吃貨」: 「我細細個就好鍾意食米飯,再加上我有選擇恐懼症,例如食麥當勞嘅時候,Burger當然係基本,再加上麥樂雞同脆香雞翼揀唔到嘅時候,我就會全部都要晒!」他坦言,直到連加大碼的衣服都穿不下的時候才驚覺事態嚴重,決定尋找營養減肥中心的協助。

小時候的阿Matt是肥仔一名,中一時更加重達260磅。(圖片由受訪者提供)

經過營養師的治療後,阿Matt的體重很快就下降到210磅,但身形依然圓潤,沒有太大的成果。然而,阿Matt卻意外地因為大大舊的身形,成為運動代表:「標槍、鐵餅比賽我一定走唔甩喇,但我中二嘅時候,社長見我肥嘟嘟,就叫我跨組咁參加乙組嘅跨欄比賽。但係嗰時我又唔夠高,個欄都已經去到我褲襠位,其餘啲參賽者都係中三、中四嘅師兄,佢哋跑完我都仲慢慢喺度檻過啲欄,一路行一路喊,但竟然被全校大讚我有體育精神,哈哈!」

阿Matt到英國讀書時飲食習慣和生活習慣都有很大的改善。(Facebook:@Matt Chung鍾煒喬)

後來阿Matt去到英國讀書時,當時飲食習慣和生活習慣都有很大的改善,體重下降至180磅,成果超顯著:「喺嗰邊認識到好多食物標籤,又食多咗好多比較天然又冇加工過嘅食物,再加上我當時又讀寄宿學校,所有嘢都好有規律,又成日做運動,培養打網球嘅習慣, 所以瘦咗好多。」

阿Matt笑言全世界都是潛力股。(資料圖片)

阿Matt表示近月壓力太大,所以食慾不振,瘦了一大圈,出現了過瘦的情況:「人生中未試過咁瘦,所以嚟緊會重點訓練返啲肌肉!」他更勉勵各位男士千萬不要放棄,人人都可以做到潛力股:「唔單止係肥仔,其實全世界都係潛力股,因為呢個世界男同女都一樣,冇醜嘅男人,只有懶嘅男人!」

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。