【她她她的少女時代.專訪】曾為負評落淚 區明妙︰講埋我屋企人

撰文:
最後更新日期:

區明妙(Miumiu)在無綫電視劇《她她她的少女時代》演青年版方迎風(田蕊妮飾),令她受到更多人認識,也是她參演最多戲份的一齣劇集。甜美亮麗的外表﹑韓系的風格,是她給筆者的印象,不過這位18歲的少女新人,就表示K-POP不是她要走的路,她想做的是一名演員。

剪接︰吳宇峰

攝影︰梁碧玲

短片︰詹郭敏﹑麥子榮

Miumiu除了拍劇外,也會擔任平面model、拍廣告和微電影,所以拍照擺甫士對她來說,也就是駕輕就熟。(梁碧玲攝)

首次擔任多戲份的角色︰驚自己會唔會做得唔好

《她她她的少女時代》並不是Miumiu演的第一齣電影劇,在這之前,她曾拍過《一屋老友記》和《親親我好媽》等劇集,不過在劇中也不是擔當一個太起眼的角色,這次要擔當視后田蕊妮的少女版,既有更多戲份,而且劇中的角色是一個有學拳的女生,這樣看來也挑戰重重,Miumiu坦言既緊張又興奮︰「開心可以試多戲份嘅角色,但亦都驚自己會唔會做得唔好。」劇集是講一個失婚女人追夢的故事,少女版要交代的人物角色性格也不少,Miumiu指︰「佢唔同類型嘅戲都多,譬如打戲﹑喊戲﹑鬧交戲啊......同埋第一次有個男對手(王樹熹飾的少年版張智強),有少少感情線。」為了角色的需要,她去了學拳,更因此撞瘀了頭。

Miumiu指知道要演阿田的童年版都感到有點壓力,不過監製和導演都教了她很多,給她建議。(電視截圖)

點擊下圖看看Miumiu在《她她她的少女時代》的演出花絮︰

+17
+16
+15

區明妙跟方迎風並不相似︰我冇咁man

《她她她的少女時代》裏面的方迎風從小時候已經是性格堅強硬朗,而且是一個有點「男仔頭」的角色,但Miumiu坦言現實生活中的她並不是這樣︰「我自己係比較女仔,因為我好貪靚,好鍾意行街,冇咁man。但係喺呢套戲裏面,我覺得係好大嘅挑戰,譬如我試咗打戲,即係喺現實生活中我唔會咁打人,同埋都好少咁man,我覺得係一個好好嘅嘗試,亦都係點解我咁鍾意做戲,因為你可以試到好多唔同嘢。我之前拍嘢試過跳樓,或者跳海,我真係覺得係啲好得意嘅經驗。」

Miumiu小時候跟現在的分別不大,好可愛!(受訪者提供)

13歲接觸演戲 更獲得首次參演電視劇的機會 

其實Miumiu算是以「童星」的身份入行,13歲開始接觸演藝,是透過家燕媽媽藝術中心上堂,然而當藝人並不是她的從小到大的夢想,直至真真正正上課學習才發掘到自己這方面的興趣。她很幸運,剛加入中心就立刻有機會演出第一齣劇《一屋老友記》。「相對嗰啲童星嚟講,我係算比較遲嘅一個,入到嗰陣已經係大童。」話雖如此,年紀小小就走進專業的拍攝世界,講到第一次拍戲,自己一個找到拍攝的場地,不會便問路,收到劇本時就連對手的劇本都背了。

Miumiu在家燕媽媽藝術中心培養了對演藝的興趣。(受訪者提供)

曾拒絕到韓國當練習生的機會 對此不感後悔

Miumiu是家燕媽媽旗下少女組合Honey Bees的現任成員,韓國女團CLC成員莊錠欣(Elkie)也曾加入過此團,可以說是Miumiu的師姐,師姐在韓國發展不錯,但Miumiu就直言雖然也曾經幻想過到韓國發展,但現在這並不是她想走的路,她更曾拒絕過到韓國某大娛樂經紀公司做練習生和加入女團的機會︰「之前都有試過有韓國公司搵過我,去做唱跳歌手,但係我自己嗰陣就決定咗唔去,第一,因為學業(要考DSE),第二,覺得自己真係唔係咁鍾意嗰邊(做唱跳歌手),因為我覺得框死咗咁樣,反而演員有好多發揮空間,唱跳就多數要跟住一個佢哋公司畀你,定型咗嘅嘢,你要去做。」而且,她也覺得在韓國的競爭很大︰「你未必一定練習到就上到去,同埋雖然好多人都話係一個好好嘅機會,好似好可惜咁樣,但係我覺得比起好可貴嘅機會,我覺得做自己鍾意嘅嘢緊要啲,我依家冇揀過去,但係我唔後悔囉,我覺得我揀咗過去,我反而會後悔。」

談到家人,Miumiu指家人放心給她空間做她想做的事,也沒有特別跟她去拍戲或者監場等,所以所有「接job」或者去戲都是她自己一手一腳完成,但媽媽見到電視劇出街還是會為她高興的。(梁碧玲攝)

拒被稱「港版周子瑜」︰想人記得你自己多過記得你似邊個

除了給人一種韓風的感覺,Miumiu也曾因在電視劇《親親我好媽》的表現受外界關注,更被稱為「港版周子瑜」(韓團TWICE成員),對於這個稱號,她笑言︰「其實我自己就唔係咁鍾意呢個名,首先我覺得唔係咁似,同埋我覺得自己會有自己嘅風格,你想人哋記得你﹑認可你,係記得你自己,多過記得你似邊個,我覺得又冇必要做對比,你有你自己嘅風格﹑形象﹑特別嘅地方。」網上的聲音一向也有正有反,Miumiu表示自己也會留意有關自己的評論,在一開始的時候也曾為一些惡意的批評而哭︰「我而家見到啲負評就唔會喇,因為大個咗都明白網上面有啲人係會講,但係我啱啱開始嗰陣,15﹑6歲,啱啱《親親我好媽》嗰陣,就真係好唔開心好depressed(壓抑),嗰陣有匿埋喊,因為有啲comment(留言)唔單止講我,講埋我屋企人,就真係會唔開心,但係好快都走返出嚟,身邊嘅人都好支持我,都好鼓勵我。」也學會了有人講反而是好事,就學會了接受和分辨哪些要聽,哪些不要聽。

Miumiu謙稱︰「但係我自己睇返(劇集),都係覺得有好多不足嘅地方。」(梁碧玲攝)

失去不少跟同學相處機會 得到了忙碌和自喜歡的生活

作為童星,有時可能放棄了同年所得到的經歷,因為跟同學相處的時間變相會少了,Miumiu也承認有得必有失︰「因為我早去接觸,我去咗拍戲,我覺得我中學生涯﹑青春嗰啲嘢就比較少,因為好多學校活動,或者一啲聚會我都冇去參加,因為有嘢要做,我覺得呢個係可惜,但係另一方面我都覺得我呢個年紀做呢啲嘢都幾青春,我記得我自己16歲嗰年,係好忙嘅,全年都好忙嘅,日日去表演啊,拍嘢啊,我就同啲志同道合嘅朋友綵排到11﹑12點,跟住跟家燕媽媽去表演,其實自己諗返起都係另一種青春。」

Miumiu指自己賺到的錢,家人會不會干預,就當是自己賺到的額外零用錢,有時收到都會請媽媽飲茶!(梁碧玲攝)

點擊下圖看看更多Miumiu的訪問靚相︰

+5
+4
+3

A0女生對愛情想法︰隨緣

談到愛情方面,Miumiu就指自己戀愛經驗是零,她說︰「我唔多人追,我都唔知點解,係啲人唔會去主動同我講好多,尤其是係男仔,女仔就會成日傾偈,男仔就少。」但她就覺得還是一切隨緣︰「唔好夾硬嚟,唔好話專登為咗拍拖而拍拖,我覺得如果有(合適的人)嘅話,可以試吓。」即將升讀副學士修讀法文及英文的她,被問到將來的目標是什麼,她笑說隨緣︰「如果可以去到更高會更好,自己想係不斷進步,因為好多人可能開始拍戲會為咗個明星光環,我想如果第時大家認得我係因為認得我嘅演技多過係因為我個外表。」希望大家記得她是區明妙。

點擊下圖看看Miumiu的生活照︰

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。