【開心速遞】26歲李芷晴機會接踵而來 劇情發展或與朱凌凌拍拖?

撰文:趙允琳
出版:更新:
李芷晴在《愛.回家之開心速遞》對朱凌凌展開熱烈追求。(《愛.回家之開心速遞》影片截圖)

今年26歲的李芷晴是中大藝術系畢業生,入行前曾經做過設計師及視覺藝術導師,直到2018年參加《香港小姐競選》晉身12強,就順理成章簽約成為TVB旗下藝人。初時Stephanie的工作主要是節目主持、嘉賓及表演嘉賓,例如擔任《文化新領域》的主持和《流行都市》的嘉賓,以及在《歡樂滿東華》、《萬千星輝賀台慶2018》上都有機會上台表演。

李芷晴於2018年參加《香港小姐競選》晉身12強。(梁碧玲攝)
李芷晴(左一)與一眾港姐去年在《歡樂滿東華》與楊盼盼(中)上台表演。(葉志明攝)

Stephanie坦言很開心能夠有幸成為《愛.回家之開心速遞》的其中一份子,再加上「Fanny」是她第一個擁有名字的角色,戲份亦比之前演過的角色重,所以對她來說意義重大:「之前選完(港姐)喺進修班出嚟之後,好好彩客串拍過《飛虎》、《唐人街》、《網絡騙案》、《愛美麗狂想曲》等等,當中《唐人街》就真係我正式拍嘅第一套劇。我喺劇入面個造型係冬菇頭嚟,都幾特別㗎!」

李芷晴在民初劇《唐人街》中以冬菇頭亮相。(照片由受訪者提供)
李芷晴身材亦非常好!(李芷晴Instagram:@step_bystep)

首演戲份重角色:要對住屋企人試戲!

首次飾演戲份重的角色,Stephanie坦言無論拍攝時,還是劇集播出時都很緊張:「準備嘅時候有對住屋企人試唔同嘅演繹方法,睇吓邊種演繹方式最好。劇集一出街我都有留意網民嘅Comment(評語),好彩大家都好似幾鍾意呢個角色,我睇到都好開心!」Stephanie稱拍完劇後終於明白到演員背後的辛酸,即使拍到三更半夜、全身蚊叮蟲咬,甚至曬到黑炭一樣都毫無怨言:「屋企人問我辛唔辛苦,但我都好Enjoy(享受)拍劇嘅過程,可能本身自己好鍾意表演,可以演繹到一啲同平時自己唔同嘅角色,對於我來講都好特別、好新鮮!」

李芷晴希望Fanny這個角色可以繼續寫落去。(照片由受訪者提供)

隨時與朱凌凌拍拖?

Fanny最後能贏得朱凌凌(吳偉豪飾)的芳心,成功留下來成為固定班底嗎?Stephanie笑言:「我當然好希望Fanny可以繼續寫落去啦,因為處境劇嘅劇本一直繼續寫緊,當中會有好多變化嘅,會加入好多唔同嘅時事,等大家有多啲共鳴!我有好多朋友同我講,覺得我同安仔(金城安,周嘉洛飾)成日作對好搞笑,雖然個主線其實唔係我哋度,但都好開心可以演出呢個角色,希望可以繼續落去!」除了拍劇,Stephanie透露之後會繼續做低做《文化新領域》主持,以及《流行都市》的外景主持及示範模特兒,亦即將會加入做《六合彩》直播主持。

李芷晴的機會接踵而來,她即將會加入做《六合彩》直播主持。(照片由受訪者提供)

不少新人初入行工作機會不多,人工亦較低,甚至生活困難,Stephanie坦言自己有固定節目,所以在新人當中待遇算不錯:「又未去到生活有困難嘅,加上屋企人都好支持我,無屋企嘅負擔,自己使費都唔係好大,所以暫時都冇乜大問題!」

點擊觀看更多李芷晴的美照:

+14