【3日2夜】藝人、言語治療師工作兩邊走 周佩婷:幾辛苦都要堅持

撰文:
最後更新日期:

緊接着吳紫韻、胡美貽主持的《3日2夜》法國篇,就會到周佩婷(Angel)和譚嘉儀(Kayee)登場。周佩婷接受《香港01》訪問時表示,這次拍攝地點就是香港人最常到訪的日本:「今次最難忘嘅係我同嘉儀喺浴缸互相幫大家影相影足成晚,好似唔使瞓又唔識攰咁!」

周佩婷對上一次主持《3日2夜》已經2年前,與潘梓鋒一同主持的台灣篇。(《3日2夜》截圖 / TVB)

周佩婷這次日本長野之旅,原來已經是她自入行後的第三次主持《3日2夜》,早在16,17年就已經主持過澳洲以及台灣篇。當時《3日2夜》節目一出後,她更被網友盛讚笑容甜美、身材好以及Girlfriend-able,不過自2017年起卻又突然「消失於幕前」。

周姑娘好靚女吖。(受訪者提供)

淡出幕前2年 為幫助有言語困難人士

原來她在這兩年時間內,重回校園進修,更考獲了言語治療師的碩士課程。她說:「雖然大學時我讀咗Media呢一行,但係言語治療都係其中一樣我想讀嘅科目,所以我想趁自己仲讀到書,記性OK嘅時候進修下,同埋之前都試過喺自閉症機構做過義工,覺得佢哋好需要幫忙,所以想幫到佢哋。」如是者,她在經歷一番掙扎後,就決定放棄了上位機會去了進修,最後也順利地畢業變成言語治療師。

譚嘉儀和周佩婷這個組合,真的十分有新鮮感。(受訪者提供)

幫助​小朋友得家長答謝 周佩婷:幾辛苦都要堅持落去!

她也提到,現時的她同時兼顧藝人以及言語治療師的工作,不為別的,正是因為兩份工作能相輔相成之餘,也能帶給別人歡樂。她說:「我係見到人開心,我都會好開心嘅人,就好似做主持要傾計,同小朋友講嘢都要通過傾計刺激佢哋語言發展,所以我都希望透過講嘢,去幫到有需要嘅人。」在言語治療師的工作中,她曾幫助了一個有言語困難的小朋友,之後還得到了家長的感謝。她:「好感動,因為嗰次係我第一次收到家長嘅稱讚,覺得自己幾辛苦都要堅持落去,有時兩邊走會辛苦啲都係值得嘅,可能我係貪心啲,但起碼我做到我想做嘅嘢。」

兩年前(2017年)的周佩婷:
【多圖】《3日2夜》女主持水上摔角玩到癲 張曦雯毛里裘斯有艷遇

【3日2夜】最GFable小花周佩婷遊日本 網友等足兩年勁期待

多謝譚嘉儀!將周佩婷影得咁靚!(受訪者提供)

想借助藝人、主持身份宣揚語治療

她透露現時每逢星期六都要到診所工作,很少有休息時間,治療的對象大多是小朋友或長者:「小朋友方面,我主要係做一啲有溝通問題嘅小朋友,包括口吃、發展遲緩、有發展障礙或者係有自閉症、ADHD(多動症)嘅小朋友,老人家就係有吞嚥障礙同埋溝通困難,例如腦退化或者柏金遜症嘅老人家,我會同佢做一啲溝通同埋吞嚥方面嘅評估,之後幫佢哋做治療。我都想幫多啲人,因為香港喺呢方面,始終比較少人了解,自己同時係一個藝人、主持,我都想等多啲人認識。」

周佩婷被網友讚有女朋友Feel同埋笑容甜,都唔係冇原因:

+17
+17
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。