【3日2夜】蘇可欣比堅尼玩激流 最怕有意外:唔知玩玩下飛咩出嚟

撰文:
最後更新日期:

蘇可欣(Eunice)和鄭衍峰(Leonard)呢對組合好有新鮮感。(截圖)

《3日2夜》清邁篇在昨晚(3月17日)播完最後一集,兩位主持蘇可欣(Eunice)和鄭衍峰(Leonard),可謂是上山下海玩盡了不同景點、食盡了各種美食。當然,今集最搶眼的肯定是兩位主持玩激流划艇這一部份,在鏡頭前,他們也毫不吝嗇地大派「福利」。Eunice接受《香港01》訪問時,被問道穿著比堅尼的她會否怕「走光」時,她笑言:「我都好驚吖,所以我無做『手腳』,唔知玩玩下飛啲咩出嚟。不過放心,我地外面有救生衣嘅。好彩最後都冇事,乜都無飛到,因為我無墊飛,哈哈。」

蘇可欣表示怕玩激流過程中會「有嘢飛出嚟」,所以並沒有在比堅尼內「加料」。(截圖)

+14
+13
+12

鏡頭以比堅尼示人,不少女藝員都總會有些許保留,不過Eunice就似乎是「豁出去」一般。她說:「我讀進修班嗰時,台慶都有跳過肚皮舞,嗰時上身都係得個跳舞Bra Top。我仲記得嗰時唔夠膽同阿媽講,不過之後佢同我講:『你做得呢行就預左㗎啦,又唔係叫你做乜,跳舞着舞衣,玩水就係着泳衣㗎啦!』想不到Eunice媽媽還是頗為開通的。「我聽到嗰下都嚇親,乜原來我阿媽咁開通㗎咩?之後諗返,我又覺得係喎,有需要咪著囉,平時嘅我其實好密實㗎。」沒有Eunice媽媽這一句,可能大家也看不到昨晚Eunice玩激流的場面。

其實男主持鄭衍峰都好受歡迎:
【3日2夜】生「一粒粒」仲着比堅尼玩激流 蘇可欣:要搵遮瑕膏遮

【3日2夜】43吋胸肌鄭衍峰勁受男粉絲歡迎:IG粉絲有7成人都係仔

入行前蘇可欣是一名空姐,不過現階段就表示不會再重回航空業。(受訪者提供)

+19
+18
+17

不說不知,其實在2016年加入的她,入行前是一名商務艙空姐,當選決定參選「香港小姐」,也其實只因為一個原因。「因為我飛咗2年到,覺得好似係機艙到困咗好耐,覺得望黎望去都係架飛機,加埋我又想留多啲時間陪屋企人。唔知做咩好,就去咗選港姐。」其時,她已有約1萬8收入。「選完港姐,本來有私人飛機公司叫我去做,但係interview個朝早,我都係決定唔去。我嗰時諗,可能飛多幾年又會落番地面,到時又唔知做乜好。咁啱讀下進修班嗰時,娛樂新聞台監製就Offer我去做主播,之後你都知,我就咁順住做落去。」

做Spa也是《3日2夜》必不可少的元素之一。(截圖)

放棄成為私人飛機空姐,即是放棄了高薪厚職?她說:「份工都有30K底薪,不過飛機餐所以嘢都要負責埋,好辛苦㗎。而家做主播收入就同以前差唔多,當然勤力啲接Show就會多少少。」錯失了賺錢機會,家人沒有怪責?「好好彩,屋企人都冇壓力畀我,仲成日同我講:『娛樂圈係要捱。』入咗行,見識真係多咗,呢樣係值得嘅。」有沒有想過要是當年去私人飛機公司面試的話,生活就完全不一樣?她笑說:「我心入面都諗過好多次!不過依家無乜啦,條路行咗就要堅持。暫時我想拍多啲綜藝節目試多啲就真嘅,不過都係隨緣,你知機會好難得。最重要係大家睇得開心啫,我同鄭衍鋒都好開心聽到大家話今次《3日2夜》好睇。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。