《美味天王》重播引爆網絡熱話 古天樂:我會準時熄電視

撰文:
最後更新日期:

古天樂與宣萱(Jessica)今天(8日)出席護膚品牌活動,分享護膚心得。除了護膚心得台上主持問到近年二人常常合作,應該是合作無間,Jessica直言是開心的合作:「其實我好少拍電影,通常拍電視劇多,所以再次同佢(古仔)合作,佢教咗我好多。同埋我鍾意同要求高嘅人合佢,咁佢要求高,不過我哋有種永恆嘅默契。」

古仔坦言要保養得好一定注重睡眠質素。(梁碧玲攝)

近日TVB深夜時段重播經典劇集《美味天王》,引起一段追劇潮,二人當然亦有留意,Jessica更表示對該劇有太多回憶:「我自己仲未得閒睇,但我記得當時切親手指,仲入埋醫院。當時自己又衰嘅貪玩,見到廚師切嘢好叻,咁我又切。把刀好鋒利,切親手指都唔知道,結果就送咗我入醫院。」古仔則開玩笑地說不會重溫:「我會準時熄電視!」

《美味天王》有不少金句,其中一句一定是「好好味呀!」Jessica也現場表演說這一句。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。