【打天下】林泳淘取代三上悠亞演傭工勉毋忘初心:見到對白眼濕濕

撰文:葉詩
出版:更新:

香港首部以空手道為主題的電視劇《打天下》,逢周一至周五晚上9時30分在ViuTV播出,播出首星期收視報捷,僅電視收視就已經破了ViuTV的新紀錄,林泳淘(Wingto)去年九月疑就《反修例》運動發言被無綫解約,11月獲兼任《打天下》監製、編審、動作指導、主演的歐錦棠(棠哥)邀請參演劇集,飾演一名被騙來港工作的馬來西亞傭工悠雅,林泳淘早前接受訪問更直言不介意執三上悠亞二攤,所以角色名亦取其諧音叫悠雅;林泳淘更對此感到榮幸:「好多男仔想有三上,好可惜畀我執咗。」

點擊圖輯睇泳淘劇中演出+更多訊息!

+31

周二(28日)播出的第12集終於見到林泳淘的縱影,在劇中她作為一名具熱誠的追夢少女,即使離鄉別井面對層層困難都不怕疲憊,此舉令旁邊看着她的莊惠(談善言飾)也重拾初心,悠雅說:「其實我一直冇嚟過香港,我冇諗過呢到嘅夜景係咁靚。」莊惠感嘆道:「以前或者係嘅,但而家改變咗好多,唔再係東方之珠。」悠雅持正面的態度說:「咁係咪應該要努力去改變佢?即使佢而家只剩下外表,但係咪都應該要盡200分嘅努力去維持住,然後再不斷努力,直到佢嘅內在可以趕得上佢嘅內在。」她又鼓勵大家追夢:「人生如果可以搵到一樣願意不顧一切盡全力去做嘅事,真係好幸福!」最後悠雅朝着天空大呼:「香港人加油!」

雖然劇中的對白出自編劇之手,但泳淘接受訪問時就說自己也深有共鳴:「我記得第一日收到劇本見到啲對白,我自己都有啲眼濕濕,咁岩嗰段時間又有好多事發生,亦試過見到某段新聞,然後再諗返起句對白心情好激動。」她又嘗試代入角色的心情去演:「悠雅係個諗法比較簡單直接嘅女仔,幸運地遇到好多人幫忙嘅人,所以到自己演繹嘅時候都有調節番個心情去做,但真係好感恩可以演到一個咁特別嘅角色。」對於劇中的女僕裝扮被網民指似偽娘,泳淘就笑言:「希望大家對我偽娘嘅身份網開一面啦!」

你可能感興趣