兩個小生去Camping│唔只王君馨 周柏豪黃智雯都曾愛上對手?

撰文:冼燕珊
出版:更新:

袁偉豪(Ben)、周柏豪主持的無綫(TVB)節目《兩個小生去Camping》,每集有不同好友做嘉賓,在最新一集,請來王君馨(Grace)、黃智雯(Mandy)及鄧佩儀(Gloria)一齊camping。

袁偉豪與王君馨在《城寨英雄》中飾演一對,早前君馨在自家YouTube Channel中提及,曾對對手日久生情,外界曾傳袁偉豪是嫌疑人之一。(影片截圖)

袁偉豪特別提起王君馨早前曾在自己的YouTube Channel中提及,因自己太入戲,而對對手日久生情,外界曾經傳過其中一個嫌疑人就是袁偉豪,如今他不避嫌提起話題,王君馨亦大方表示有向當時的男朋友、現任丈夫Daniel坦誠曾發夢見到劇中拍檔:「我覺得大家要好坦白,所以我選擇同佢講我發夢見到劇中對手,佢問係邊個,我就畀咗啲資料佢睇。」問到婚後會否對親熱戲有避忌,柏豪與君馨都異口同聲表示不會,柏豪說:「未結婚之前反而驚對方唔知點諗,但結咗婚,對方肯定會信自己。」所以拍親熱戲反而比之前更放膽。

柏豪和君馨都認為,結婚之後拍親熱戲更加放膽。(影片截圖)

不只王君馨,黃智雯和周柏豪亦坦誠有類似經歷,黃智雯說:「試過好投入,拍完劇見唔到對方會唔慣,有次揸緊車打畀對方同佢講拜拜,跟住喊,好似同個角色告別咁。」她更笑言自己比君馨naughty,「做演員係會有啲出賣感情,我覺得係幾衰,要借嗰啲感覺、火花去做到嗰個(戲劇)效果。」

黃智雯直認自己曾試過拍完戲之後哭着跟對手講拜拜。(影片截圖)

而柏豪則直言曾經喜歡上對手:「你話有冇鍾意對方,係有嘅,嗰排日日夜夜都對住嗰個人,突然之間拍完嗰套戲,唔見嗰個人係會有啲sad,好似失咗一個好了解對方同埋日日夜夜都會見到嘅人。」而他在節目中曾說過跟鄧佩儀在《再創世紀》中日對夜對,寫下對方的29件小事「事件簿」,更在節目中讀出來,唔通……其中一位「好了解對方同埋日日夜夜都會見到嘅人」就係鄧佩儀?!

柏豪口中曾經喜歡上的對手,會是鄧佩儀嗎?(影片截圖)

重溫節目足本對話,點擊圖片:

+33

柏豪跟不少女星曾經合作過,點擊圖片:

+9

演員拍戲期間朝夕共對,難免會產生真感情,雖然君馨強調:「其實一完呢就拜拜。」但做藝人的另一半,心臟真係要好強大先得!

+7

【同場加映】─內地網紅五官精緻激似金城武 真身竟然係近200磅肥叔叔!

+48
你可能感興趣