那些我愛過的人|林文龍大結局犧牲超慘情 監製爆暗藏重大玄機

撰文:
最後更新日期:

無綫(TVB)劇集《那些我愛過的人》在周五(10日)晚播出大結局,雖然一連25集的劇集終於圓滿結束,但依然討論度甚高,不少網民都認為結局中的車禍有不少不合理的地方,更指姜煜誠(林文龍飾)慘死最無辜,令人惋惜!

網民不滿老姜(林文龍飾)慘死!(電視截圖)

大結局講到Eden(李任燊飾)載着書文(連詩雅飾)從醫院離開後一心尋死,最後與姜煜誠、方樂汶(黃翠如飾)及古希晨(馬貫東飾)的車相撞,五人都受傷。不過懷孕的書文不但沒事,還出手救Eden,而姜煜誠同方樂汶就被困車廂,最後姜煜誠更葬身火海。不少網民提出疑問指點解希晨同書文不先救親人,而去救罪魁禍首Eden?事發後點解不先報警?點解好人反而要死?亦有觀眾估計劇集曾刪減,匆匆結尾。

有網民質疑點解希晨同書文不先救親人,而去救罪魁禍首Eden?(電視截圖)

點擊下圖睇監製逐點拆解:

+14
+13
+12

有報道指劇集原本有30集,最後刪減至25集,不過監製關樹明在接受《香港01》訪問時就否認:「由頭到尾都係25集,結局係我哋商量出嚟嘅結果。結局嘅車禍係首尾呼應,書文當年救家姐而冇救姐夫,但7年後正如希晨所講,醫生嘅職責係救人,所以今次書文決定救更傷嘅Eden,做咗一個同當年唔同嘅抉擇。而老姜被鋼筋插住,周圍又有易燃物品,其實都好難救,但都冇話佢一定係死咗,我哋都想留番畀觀眾自己感受。」

雖然發生大爆炸,但監製就指或有轉機。(電視截圖)

監製指暗藏玄機:

+14
+13
+12

對於網民不滿結局太悲慘,監製就認為主要是希望帶出劇集的主題:「珍惜身邊嘅人先最重要,方樂汶喺昏迷期間見返自己唔同階段,就係因為以前處理得唔好所以先有咁嘅結果,但經過今次之後喚醒番自己,每個人都會遇到挫折,但要你自己調節,放下執着、釋懷先可以接受未來。」至於開拍續集的可能性,監製就笑言有難度:「文龍都講咗暫時唔會拍劇,而且要兩個台合作,不過世事無絕對嘅,希望有機會。」

好多觀眾都希望有續集!(YouTube影片截圖)

+19
+18
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。