拒戴口罩被換走? 梁思浩自租錄音室保平安都唔得:係我要求換人

撰文:
最後更新日期:

梁思浩被電台D100飛起?因疫情關係而下令所有DJ需配戴口罩做節目,不過日前由D100電台節目《大家「真」風騷》的Facebook所見,雖然主持人李麗蕊和陳彥行有跟從指引戴上口罩,但梁思浩就如「冇掩雞籠」般,並未戴上口罩做節目。節目中梁思浩以「講嘢太快,戴口罩會影響大家收聽」為理由,而選擇不戴口罩做節目。不少網民就留言批評,指他不顧同事感受,十分自私。

新冠肺炎|梁思浩以「講嘢太快」為由開咪唔戴口罩 網轟:低智!

7月24日的照片中,梁思浩開咪依舊沒有戴口罩。(Facebook圖片)

前日D100網台節目《大家「真」風騷》的Facebook貼出梁思浩、李麗蕊和陳彥行的照片。明顯見到梁思浩並沒有戴口罩做節目,惹來網民批評。(Facebook圖片)

點擊下圖睇 網民批評:

《大家「真」風騷》的Facebook發出聲明。

今日有消息指,因梁思浩堅拒戴口罩,認為難以做節目,但D100電台高層因要考量觀眾的要求,所以決定找其他人頂上思浩在《大家「真」風騷》節目的位置,直至疫情放緩,雙方會再次商討,並強調雙方有商有量,並不是「炒大鑊」。《香港01》向梁思浩查詢事件,他指:「說話不如倒返轉,其實係我要求由聽日開始(換人),我由始至終其實唔係D100員工,係合作夥伴,唔係佢出糧畀我。我自己提出嘅,我最先覺得直播室太多人,覺得有危險,我自己喺出面租咗個直播室,係少人啲,私人直播室,得我哋三個節目主持人,但佢哋唔畀出面租直播室保護自己安全,我覺得自己出面租個私人直播室會安全好多,都達唔到佢哋要求,唔緊要。」

其實思浩都有跟兩位主持人溝通,李麗蕊同陳彥行也覺得無問題,他說:「今日朝早直播,我已經同兩位主持人有兩米距離,我係有戴口罩,但我拉低過咗鼻,因為要透氣,D100話唔符合安全標準,唔接受我呢個做法。我嘅解釋係我要吸好多氧氣落肺,我真係冇辦法,你試吓戴口罩唱快歌係唔得,當時我覺得原來連吸氣都唔合規格,咁我就話我聽日開始搵個替工替我喇,係我要求嘅。其實我已經做好晒保護,你可以問返李麗蕊同陳彥行,佢兩個都覺得我好安全。」

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。