【迷網】彭翔翎靠色誘踩住高海寧上位 曾參加校花選舉揮低蘇皓兒

撰文:
最後更新日期:

TVB劇集《迷網》除了有高海寧擔正演出之外,劇中更不乏靚女演員,包括陳曉華、鄧伊婷、利穎怡等等,而飾演婚紗店職員Ada的彭翔翎(Janice),不但靠色誘許大狀(游莨維飾)上位,對待高Ling的態度更十分囂張,掀起網民熱議,不少觀眾都大讚Janice的演出!

彭翔翎(Janice)在劇中飾演婚紗店職員Ada。(YouTube影片截圖)

Janice(右二)在去年的台慶劇《解決師》中,飾演其中一位啦啦隊隊員。(IG@nicolewmy)

現年27歲的Janice在2018年考入第29期藝員訓練班,畢業後即有機會參演台慶劇《解決師》,飾演其中一位啦啦隊隊員,但她亦曾飾演不少無名角色,以學生、職員、侍應為主,不過今次在《迷網》中就有不少戲份及對白,她在接受《香港01》訪問時直認有壓力:「今次係我拍劇以嚟最多戲份嘅一次,《迷網》係19年拍嘅,簽咗一年就有呢個角色所以當時都好珍惜呢個機會,同埋好多謝公司畀呢個機會我。演繹上對我嚟講係有啲難度,特別係色誘許大狀嘅戲份,一開頭都有尷尬㗎,但導演同埋高Ling都好有耐性咁親身教我點做,所以NG咗幾次之後就放膽咗好多。」

Ada色誘許大狀(游莨維飾),相當出位!(YouTube影片截圖)

點擊下圖重溫:

+26
+25
+24

Janice曾在15歲時參加由《Yes!》雜誌所舉辦的「第十二屆全港校花校草選舉2008」,並順利進入最後四強,同屆的參賽者還有未能入圍的鍾晴(Karlie)及廿強止步的蘇皓兒(Chloe)。當中Karlie因為旅遊節目《3日2夜》而人氣急升,Chloe更憑着早前播出的劇集《那些我愛過的人》而深受觀眾喜愛,不過相比起她們Janice的星途似乎就沒有這麼順利:「唔會羨慕,因為每個人遇到嘅機遇都唔同,我只可以遇到機會嘅時候好好把握。(覺得自己輸在邊方面?)輸蝕嘅係我太遲先入行,因為之前自己係一張白紙,唔知有咩方法可以入行,直到18年機緣巧合見到公司嘅藝員訓練班所以去試下。但有心唔怕遲,所以而家無論做咩角色都會好努力。」

鍾晴(Karlie)因為旅遊節目《3日2夜》而人氣急升。(IG@karliechung)

Chloe在早前播出的劇集《那些我愛過的人》中飾演姜子優,深受觀眾喜愛。(YouTube影片截圖)

+55
+54
+53

劇中Janice與高Ling有不少對手戲,她自言拍攝過程獲益良多:「同高Ling做對手戲一開頭好緊張,但係佢好好,好肯教新人,叫我唔洗咁緊張,放鬆啲慢慢嚟,所以聽完佢講我都放鬆咗好多,態度囂張其實都係角色需要。」Janice因為與林夏薇樣貌相似而備受關注,更有「翻版林夏薇」之稱,對此她就表示:「之前唔覺嘅,但同佢合作完《七公主》後有少少覺,當然佢瘦好多、靚好多啦。(會唔會以佢為目標?)每一個演員都好值得學習,我會努力進步。」

Janice有「翻版林夏薇」之稱。(IG@pangdandan)

+19
+18
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。