【殺手專訪】龔嘉欣拍劇周身傷 最懷念家庭溫暖：有湯飲就好開心
撰文：林迅景
出版：更新：
龔嘉欣為了演好集《殺手》中易蘭（Dark Angel）一角，可算是付出所有心血，無論吊威也、凌空飛踢以及耍刀等，都是親身上陣。跌傷撞瘀不在話下，其實她還試過刮傷臉頰、斷手指筋和割傷小腿，最後要入院縫針。
為一套劇弄至周身傷，難道家人不會反對嗎？龔嘉欣笑着說：「我都冇講自己整親手。」
要一個冇武打底子嘅人突然間變職業殺手，真係唔容易。（《殺手》截圖）
她說：「佢哋唔會特別問，都係默默支持啦，我哋一樣都係『默默型』，哈哈。佢哋唔會因為睇到咩新聞就嚟問我，從來都唔會。（手指傷咗都冇問？）我都冇講，唔知佢有冇睇到新聞。我唔講，佢又唔提，我說唔會講㗎啦，其實係唔想佢擔心。」
原來龔嘉欣個性都好堅強。（梁碧玲攝）
鏡頭大多飾演柔弱小女子的龔嘉欣，現實中其實個性硬朗、堅強而獨立，甚至有些「有淚不輕彈」的剛陽味。她續說：「佢哋問：『點吖？』我就答：『OK吖！』其實係辛苦嘅，問：『食咗飯未？』就答：『食咗啦！』實質係未食嘅，哈哈，其實只係唔想老人家擔心。」
龔嘉欣最愛的就是家人煮的住家飯。（梁碧玲攝）
談起家人與她之間的回憶，她微笑着說：「對我嚟講，煲啖湯，煮一個住家飯畀我食就已經好開心。自己住咗耐，比較難食到住家飯，有碗湯飲吓就好開心㗎啦。」
點擊以下連結 睇埋Part 1同Part 2訪問：【殺手．專訪】龔嘉欣奮鬥14年終上位：我嘅嘢係自己一手一腳建立
殺手．專訪｜30歲龔嘉欣單身快樂？「搵一個一生一世嘅人唔簡單」
點擊睇 龔嘉欣專訪靚相：
+24
點擊睇 龔嘉欣在《殺手》中的精彩鏡頭：
+18
化妝： Herman Ng
髮型： Sue Cheung @ hair corner
服裝：Max & Co.
場地安排：Barry@巧鬆啲
場地：Kowloon Party Room