【迷網】朱斐斐入行8年演盡無名角色 慘淪為佈景人物曾患憂鬱症

撰文:
最後更新日期:

由高海寧、楊明、陳曉華等主演的TVB劇集《迷網》集合不少新鮮面孔,除了早前出場的樓嘉豪、容天佑、彭翔翎之外,飾演大學生阿菁的朱斐斐亦備受關注。劇情講到阿菁為了賺錢加入泛奕金融集團,甚至不惜利用美色騙財,穿上低胸上衣的斐斐一時俯身,一時又挨實才叔(鍾志光飾)膊頭,成功誘騙對方開戶及簽授權書,而斐斐更因為這一幕性感場面掀起網民熱烈討論!

阿菁(朱斐斐飾)低胸上陣色誘才叔(鍾志光飾)。(YouTube影片截圖)

現年28歲的斐斐在2012年考入第26期藝員訓練班,過往曾飾演不少無名角色,今次在《迷網》中的演出就是她入行以來最多戲份的一次,她在接受《香港01》訪問時直認演繹上有難度:「以前一路都係做學生妹,有得性感表示我終於大個女喇!呢個角色最難就係我要說服自己係一個靚女,因為當時導演搵我做呢個角色話阮燕菁好靚,係大學校花,司徒正(樓嘉豪飾)嘅女神,成日恃靚行兇。我一聽第一時間諗『死喇』,因為我唔係,嗰陣時仲要係入行嚟最肥嗰期,司徒正仲幫我改咗個花名叫肥菁,好驚觀眾睇咗會出戲,所以都要啲信心先得。」

斐斐被叫「肥菁」。(IG@ffcfei)

點擊下圖重溫:

+19
+19
+19

提到要在劇中性感上陣色誘鍾志光,斐斐就笑言拍攝前大感緊張:「因為之前都未同佢合作過,一嚟要色誘都有啲怕醜。不過鍾Sir埋位前都有同我講聲先,『陣間可能會掂下你手咁,唔好意思』,到拍嗰時都幾順利,導演話『大膽啲就得了,由得你點做。』」斐斐3年前曾憑藉處境劇《愛·回家之開心速遞》中年青版高栢菲(湯盈盈飾)一角而為人熟悉,但可惜近幾年似乎依然發展平平:「嗰陣做湯盈盈少女版都幾有趣,不過呢一行就係咁㗎啦,有時有嘢做,有時停下,都睇開咗。就當磨練多幾年,準備得好啲,第時遇到啲角色都容易掌握啲,好過機會一次過嚟,但你未準備好自己都浪費咗。」

斐斐曾因為在處境劇《愛·回家之開心速遞》中飾演年青版高栢菲(湯盈盈飾)而受到關注。(電視截圖)

雖然斐斐所演的角色大多屬客串性質,但她依然堅持追尋演員夢想:「你知我哋『佈景人物』工作時間長,有時劇接劇時間連住,返屋企沖個涼時間都冇,好似好多嘢拍咁,但親戚朋友問起,又講唔出拍咗啲咩,嗰種感覺先令我覺得辛苦。等8年係有啲漫長,中間都有諗過不如轉行,但每次想轉嗰時,個天又會畀少少甜頭你,你會覺得今次個角色又比之前好啲喎,之後又會想留低。雖然發展係慢啲,但我相信應該會越嚟越好!」

唔經唔覺斐斐已經入行8年,但發展未如理想。(IG@ffcfei)

同期藝員訓練班畢業的梁茵憑着《愛·回家之開心速遞》中Anita一角,深受觀眾喜愛。(IG@kikoleungyan)

斐斐轉眼間已經入行8年,同期藝員訓練班畢業的梁茵憑着《愛·回家之開心速遞》中Anita一角深受觀眾喜愛,而利穎怡同李旻芳就因為擔任節目《東張西望》主持而被網民封為「東張女神」,眼見自己依然浮浮沉沉,斐斐曾一度情緒低落患上憂鬱症同暴食症:「以前細個都幾執着,就好容易諗埋一邊。見自己入行咁耐都冇起色,開始情緒出現問題,身體亦都容易病。之後開始接觸健身,啲負面嘢都有一個方式去發洩。」斐斐更不時在網上分享健身Tips,Fit爆身形令人羡慕!

斐斐曾因為情緒問題暴飲暴食,暴肥40磅,幸好最後成功康復。(IG@ffcfei)

除了拍劇之外,斐斐現時還擔任健身教練。(IG@ffcfei)

+38
+38
+38


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。