全民造星III|龔柯允出道13年冇名氣冇嘢輸 葉巧琳:預咗俾人鬧

撰文:
最後更新日期:

《全民造星III》周六(26日)舉行記者會,50名參賽者身份曝光,當中包括參加過《亞洲星光大道》的李明憲(班長)、「馬拉天后」龔柯允(Karen)、樂遊團的主音葉巧琳(Mischa),以及雖然年僅26歲,但已出道8年的顧定軒(Zeno)等資歷較深的參賽者。四人接受《香港01》訪問時,均異口同聲表示跳舞是他們的弱項,Karen說:「因為冇經驗、唔識跳,所以成日都撞到!」眾人紛紛展示身上練舞造成的瘀青及傷口。

(左起)參加過《亞洲星光大道》的李明憲(班長)、「馬拉天后」龔柯允(Karen)、樂遊團的主音葉巧琳(Mischa)、以及雖然年僅26歲,但已出道8年的顧定軒(Zeno)算是節目中資歷較深的參賽者。(梁碧玲攝)

畢竟四人出道年資較長,說起在《全民造星III》重新挑戰會否擔心網民的負面評論,葉巧琳說:「其實入得嚟就預咗俾人講、預咗俾人鬧,其實我哋應該為自己嘅勇氣鼓掌,參加節目都係想更多觀眾睇到我哋真實、努力嘅一面。」

Karen贊同道:「我覺得自己冇嘢輸,喺香港咁多年其實我係冇乜名氣,呢個係事實。我覺得活得真實就好,有時跳舞我哋都唔化妝,壓力大都會爆煲,最想俾人睇到有成長。」班長坦言重新挑戰都掙扎了一段時間,但咬牙堅持下去令成功感更大,也令自己的演藝之路生色不少。

+6
+6
+6

Zeno可說是近年影視界冉冉升起的新星,接拍的影視作品一部連一部,在影視業的寒冬中闖出新天地,對觀眾而言他的起點亦較高,他就謙虛地說:「其實我喺其他方面都係能力稍弱,所以我同大家一樣都係要重新歸零去學習,亦放低自己嘅包袱。」Zeno坦言在《全民造星III》像上了一堂人生課:「對演戲路上都好有幫助,做戲需要更多人生歷練。」至於想在節目走多遠,班長說:「每一場都盡去,無論結果點都好,都學咗好多嘢。」

點擊圖輯睇今日記者會盛況:

+28
+28
+28


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。