陳啟泰認亞視最後幾年荒謬 劉錫賢談扔壽包事件︰天下間最大笑話

撰文:李婉文
出版:更新:

亞洲電視曾有過一段輝煌的日子,節目可以跟無綫對撼。日前,陳啟泰和劉錫賢上香港電台節目《一起走過》,接受主持楊紹鴻和江美儀訪問,大談在亞視工作的點滴。

即投「01最賞睇娛樂大獎」兼答簡單問題,被選中內容最精彩、令人印象深刻及令人產生共鳴的答案,就有機會贏最新5G手機12 Pro,按此即投贏巨獎!

陳啟泰在1990年入無綫工作。(資料圖片)

陳啟泰在入行前曾參加過新秀,又曾做過銀行,最後選擇做演員,他笑言是因為「貪慕虛榮」。1990年加入無綫工作,一入行就做主持,他說節目組覺得他「個樣似主持」,先係主持《香港早晨》,後來有入劇組拍劇,但同時繼續主持《K-100》和《歡樂今宵》等,觀眾開始認識到他。主持問到既然陳啟泰當時在TVB的發展不錯,為什麼要過檔亞視,他直言︰「有排等啦真係,如果(喺)TVB!」他否認當時是炙手可熱︰「慘就慘在好似《再見亦是老婆》、《大鬧廣昌隆》,你永遠都係覺得有機會發展嗰啲位,跟住就停咗喺度,跟住落返嚟囉,TVB係咁㗎嘛!你做開二線,突然會跌番落三、四線,經常有㗎嘛,發生過喺我身上好多次,唔止喺我身上,係發生過喺好多人身上無數次!」角色雖然演到街知巷聞,但卻未可更上一層樓,「既然你做開嗰度未必有咁嘅機會,咁咪唔排呢條隊囉,排第二條隊囉!好簡單一個道理,你唔過塘就冇機會㗎啦!」

《百萬富翁》成為陳啟泰的代表作。(YouTube影片截圖)

江美儀爆料陳啟泰原來好錫老婆,原來他每去一個地方,都會跟老婆說︰「老婆,我同美儀去咗呢間餐廳,幾好食,下次帶你嚟食!」下次見到有新電話,又想買給老婆,江美儀說︰「總之佢錫老婆錫到不得了,我同佢傾人生大事,發現佢呢個人唔大野心,當時佢啱啱買樓用晒啲錢,佢話只要佢供甩層樓就可以唔做,話老婆教琴養番佢。」陳啟泰原來比較實際,會希望有第二層樓,但不是奢望,入行要學會享受過程。陳啟泰於1998年加入亞視,又跟太太陳懿恆結婚,至今已經22年。太太生活低調,是一名現職鋼琴名師,也有擔任進修學院的音樂程講師。

陳啟泰和劉錫賢上香港電台節目《一起走過》,接受主持楊紹鴻和江美儀訪問。(Facebook影片截圖@一起走過)

陳啟泰由TVB轉投亞視,人工是雙倍。在他主持《百萬富翁》前,他已經有不少晚宴司儀的收入供完樓,事關當年做中英雙語的司儀很吃香,90年代一個Job是2萬元,已經是非常不錯,再加上《百萬富翁》的收入,成功供完樓。講到2001年主持《百萬富翁》的機會,陳啟泰指當年還有林韋辰、歐錦棠、林祖輝和較有經驗的何守信作主持《百萬富翁》的人選,不過他們相繼離開亞視。而原來當年是決定由何守信主持的,當時買節目版權時,甚至已經派了他到英國學習節目的細節,但由於亞視負責《百萬富翁》的人突然離開了公司,所以整個節目要重新計劃。當年也是突然召他們見老闆,才知道是由他主持。作為節目的副主持劉錫賢,他直言當年一年已經出了4年的人工數目。而陳啟泰就指自己一年有300多個騷的收入,江美儀大感驚訝︰「1000蚊都唔得了啦嗰度,咪就係創造奇蹟,冇人會再做到!因為亞視都執咗。」

陳啟泰有份拍ViuTV劇集《黑市》。(資料圖片)

點擊下圖重溫陳啟泰歷年來的轉變︰

+6

對於離開亞視,陳啟泰說:「我離開有兩個女人為我喊,一位係鮑姐鮑起靜,邊喊邊問點解亞視搞成咁,另一位係服裝間『大眼』,佢喊住話留番個Locker畀我,呢兩個女士為我喊過,有情有義。」講到亞視最後經營的幾年,兩個嘉賓直指是荒謬,當年亞視台慶在北京舉行晚會,發生成為經典的「扔壽包事件」,劉錫賢說︰「北京嗰次係天下間最大嘅笑話嚟㗎喇,冇得再好笑過北京嗰次。」陳啟泰就指在政總門外跳《江南Style》那次較荒謬,他說︰「我有去,見一見老闆就走,如果唔係我就要留低跳《江南Style》㗎喇。」劉錫賢同樣見眾人上台跳舞後,隨即離開。

一眾亞視藝員在台慶晚會上派壽包,怎料在節目尾聲前,觀眾已走得七七八八。(YouTube截圖)

劉錫賢回想北京晚會那次形容為荒謬,扔壽包環節是香港製造人構思的,不過他們其實不了解內地觀眾睇騷的慣性,他說︰「其實全部依賴晒香港嘅製作人,香港嘅製作人對內地騷係零知識,上到去先發現原來唔係咁樣。」當晚有很多小休時間,加上四面都是觀眾,司儀兼顧不暇,知名表演歌星又不多,故有大量觀眾已中途走人,「其實去到扔壽包嗰刻,係因為啲新晉嘅小朋友(藝員),去到嗰陣有人話『我哋可以將啲嘅壽包派畀觀眾』,但其實台上面已經有人講『喂,嗰邊冇人啊,向前面扔算啦』,但啲後生已經發晒癲,有得玩就扔,就乜嘢都拍晒,對住啲吉嘅枱枱凳凳喺度扔壽包,就變成一個笑話。」

+1

同場加映︰細數圈中擁超強腹肌女星 陳欣妍Keep Fit極有心得蘇皓兒愛打籃球

細數圈中擁超強腹肌女星 陳欣妍Keep Fit極有心得蘇皓兒愛打籃球
+51
你可能感興趣