呂爵安Edan親邀林家熙出演《E先生》MV Locker揭天台離別戲真相

撰文:葉詩
出版:更新:

談起近來最炙手可熱的本地演員,就不得不提林家熙(Locker),他是當紅YouTube頻道《試當真》的骨幹成員,憑搞笑形象一躍而上人氣急升,亦應驗了主腦蘇致豪在短片《Channel需要女刪剪片段》其中一句:「Locker周圍都係!」除了在《試當真》形象深入民心,近日Locker還接拍了MIRROR成員Edan(呂爵安)首隻單曲《E先生連環不幸事件》的MV,MV上架9天已累積逾69萬觀看,在YouTube更佔據熱播影片冠軍位置居高不下,三位主演的深情演繹獲觀眾激讚,而Locker作為演員默默耕耘多年亦終被看見,他表示這絕對是自己的一個代表作,亦在訪問時分享了拍攝時的一些細節。

點擊圖輯睇Locker型格相!

+5

Locker表示與Edan在拍攝電視劇《男排女將》時結緣,由於二人個性相近而十分投契;在拍攝MV前兩天夜晚Edan親自致電邀請:「我嚟緊拍MV想搵你演!」Locker二話不說就答應了:「第二日見導演試咗少少戲,想睇我哋三個人企埋一齊個Vibe啱唔啱,之後第日就拍!」一切雖然倉促,但絲毫不減用心。

在得悉這個我愛他,他愛她,她愛我,這個無論如何都無法修成正果的悲傷三角愛情故事後,Locker透露了不為人知的小細節:「拍攝當日雖然冇好刻意,但我留意多咗Edan嘅一舉一動,化妝到拍完晒我都有望下佢,我就反而少理Mandy(譚旻萱)。」MV裡埋藏了不少感情線索讓觀眾細心去發掘,而Locker亦在過程中自己加了戲:「喺化學室食飯,我擔櫈畀佢但佢唔坐,我就有少少落寞;或者有啲位玩緊嘅時候,導演都想我哋刻意望住邊個。」

點撃圖輯逐格睇《E先生連環不幸事件》MV:

+40

說起整個MV中最深刻的一場戲,Mandy與Locker均先後表示是天台那場離別悄然降臨的戲份,Locker又仔細地坦露了一些心路歷程:「我哋由朝拍到晚,去到下晝已經拍咗好多嘢、走咗好多景,一齊玩得好開心,好似真係經歷咗啲嘢;但導演同我哋講今次係我哋最後一次見面,夜晚喺天台場戲一播歌就已經好有感覺!」不捨之情立刻湧上心頭:「啱啱先有呢啲友誼,但一日之內就冇晒,我望一望佢哋已經好想喊,即刻擰轉面望天。」誰知道導演隨後說先拍畢業快樂的片段,Locker就立刻按捺著內心悲傷的情緒:「入面好似有個魔鬼好想跳出嚟!」

Locker續言在那個氛圍下,很多事都自然而然發生:「本身我冇諗過自己會喊成點,純粹見到Mandy好慘。」他內心禁不住喊話:「你千祈唔好講,你講我哋就冇㗎喇,好地地三個人大家畢業咪算,你一開口呢段關係就完!」至於被Edan淋啤酒的近鏡總共拍了三個Take,Locker說:「呢個動作好殘忍!於是我就話:『唔鍾意就唔鍾意㗎啦,你都唔鍾意我啦,你有咩資格講?』」

點擊圖輯睇天台難忘的那場戲+演技有幾好:

+19

而他們的一舉一動亦牽動着彼此的情緒:「Edan走咗我坐咗落地下係咁喊收唔到聲,Mandy喺鏡頭後望住我,明明唔係拍緊佢都喊到成隻豬咁,我望到佢咁就好痛!大佬,你唔好喊啦,佢見到我喊佢又喊,我見到佢喊我又喊。」在拍攝Mandy的戲份時,留下幫忙培養情緒,誰知道這個令人心痛不已的場面又上演了一次:「唔知咩事呢三個人喺天台喊唔停,拍完收工影大合照我哋三個就攬住喺度喊!」連導演Maggie也禁不住拍下這個畫面,並在IG寫道:「呢場天台戲係演員能量嘅互動,現場睇住佢地將能量轉換同埋咁投入,我都覺得感動。演員咁真誠對待一場戲嘅時候,導演都會覺得拍呢場戲好好玩。」

導演Maggie也禁不住拍下這個畫面,並在IG寫道:「呢場天台戲係演員能量嘅互動,現場睇住佢地將能量轉換同埋咁投入,我都覺得感動。演員咁真誠對待一場戲嘅時候,導演都會覺得拍呢場戲好好玩。」(IG/@maggieslays)

同場加映:20歲譚旻萱憑Edan呂爵安MV爆紅 港版朴敏英純靠靚樣勁吸過萬粉絲

+40