師父有請︱袁偉豪重談與網民隔空開火一事︰我性格好硬頸咩都駁嘴

撰文:
最後更新日期:

袁偉豪自從跟張寶兒公開戀情後,因為女方家境富裕,面對不少壓力,甚至到婚後外界的聲音也不斷。而他早前出席《萬千星輝頒獎典禮2020》時,又被網友狠批他的狀態大不如前,甚至被形容是「醜男」,面容顯得又殘又肥腫,令到他在IG發長文回應有關批評。他接受林盛斌(Bob)和麥玲玲主持的《Master's Talk 師父有請》訪問時,再講到有關報道,直言感到不快。

「Crazy Runner」的陳山聰、袁偉豪、姚子羚和謝東閔擔任嘉賓。

眾人先講到藝人借運之說,袁偉豪表示之前遇上一個問米婆婆指他前世得罪人,遮了半塊面,所以出道頭十年事業都完全沒有起色,最終他當天口中唸住對方的姓氏叩頭道歉1000次。叩頭之後,他就獲得機會加入無綫,事業運慢慢開始轉好。提到地運,袁偉豪表示婚前大約三幾年就會搬一次,直至去年因結婚而一年內搬兩次,總算買下跟太太張寶兒的安樂窩,不過他直言算是Dream House但不是終極。「我跑步經過大拗門,沿路山邊有間破屋,好似《鐵甲奇俠》間屋。佢間屋出面一邊係懸崖,另一邊有幾棵樹,落地玻璃望住清水灣,我就心諗好想有機會可以住呢度,擁有自己設計嘅車房、Band房等等。」

袁偉豪和張寶兒非常恩愛。(Instagram@benontheroad)

麥玲玲講到情侶之間貧富懸殊的關係,提到另一半是富家子女,袁偉豪直認跟張寶兒一起之後面對不少的壓力,「其實我唔睇嗰啲報道真係冇嘢,睇咗反而唔開心,入到外父屋企有乜好驚?我唔會驚,反而睇完報道之後唔舒服,唔舒服係點解要咁講我呢?有時唔係我想去睇,係唔知邊個轉來轉去彈出嚟我手機,多多少少影響自己情緒。因我性格係好硬頸,咩都駁嘴,所以耐唔耐就出聲講吓嘢,我有自己睇法,你哋覺得係咪係,再講真,咁層樓我唔使供呀咩?我都要搵錢,我都要keep好個樣出嚟,點知又被你班人話面膠、醜男?」

袁偉豪於Facebook發文回應,好感解。(Facebook截圖)

即重溫袁偉豪與網民隔空「對話」事件簿:

+15
+15
+15

不過,袁偉豪指沒有因閒言閒語影響到他跟寶兒之間的感情,兩公婆都有討論過,寶兒提到父母願意將女兒交托給他,「佢父母欣賞我呢個人一步一步成長,捱出自己事業,佢先咁放心,另外佢哋覺得只係得我可以治到寶兒。」袁偉豪直言買樓一事是外父主導,建議他買,花幾天計計數,加上他硬頸又大膽個性,決定試試看。

袁偉豪自認性格「硬頸」。

點擊下圖睇Ben樣貌!

+18
+18
+18

而陳山聰直言自己是過來人,經常都會安慰袁偉豪,將經驗分享,提到往事,他說:「呢件事係令到我成長,感恩遇過呢件事,一千萬人都未必會遇唔到一次,唔係淨係我揀到,咁人哋都會揀呀嘛!好多嘢經歷,當時封面多到好誇張,父母都好唔開心。點去瓦解負面新聞?就係面對佢,你自己先清楚是非黑白,所以由得人講。最唔開心係令到屋企人唔開心,媽咪好擔心,好彩做佢哋個仔,到今日我能面對自己,行返出黎,有兒有好老婆,佢哋好安慰。」他直言經常勸袁偉豪放下固執,不要反駁任何傳聞,以行動證明一切。

陳山聰直言自己是過來人,經常都會安慰袁偉豪。

陳山聰提到兒子時,不禁激動落淚,他說:「建立家庭之後,對父母係一個回報。我曾經做錯事或者做錯一啲決定,係咪代表一世都要錯呢?唔一定,只要有一線生機,我就唔會畀自己放棄。當我個仔仲喺老婆個肚入面,我老婆同個仔講:『你第日一定要學到你爸爸嗰種堅持同勤力......』大家都知我係隻牛,多謝呢段日子以來,呢班兄弟好信任,大家關係係一世。」

陳山聰成為了「Family Man」。(Instagram@joelshanchung)

陳山聰過去也是「新聞人物」,先在2011年與「賭王」何鴻燊之三房女兒何超雲被多次傳出緋聞,二人卻否認關係。他後來直認2010年底已與有10年關係的前妻楊渡萍辦理離婚手續。到之後何超雲上載至微博的家庭合照,正式公開關係,但戀情只維持了兩年,當時有不少有關他的負面報道。至近年,陳山聰與從事美容業的圈外女友何麗萍(Apple)拍拖5年後結婚,妻子又為他誕下兒子,形象漸漸轉向正面。

睇埋張寶兒靚相:

+77
+77
+77


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。