林婷拜張繼聰為師學做戲讚對方傾囊相授:好願意分享經驗畀年輕人
撰文:趙允琳
出版:更新:
藝人林婷(Angel)早前出席運動遊樂競技活動,透露由模特兒轉型做幕前做ViuTV節目《今晚瞓酒店》和《入住請敲門》主持後認知度大增,收入亦比之前可觀了不少:「都理想嘅,真係多咗好多廣告商一諗到大膽啲、或者關於鬼嘅主題就會搵我!」
她笑言自己從來沒有接受過口才訓練,不過自從2019年與古天樂的天下一將士簽約做旗下藝人後積極學習演戲,與Angela(袁澧林)、Locker(林家熙)、Sabrina(張蔓莎)一齊上堂,最近更拜了張繼聰為師:「我哋最近跟張繼聰老師上堂,佢好好嘅,因為佢係一個喜劇演員,我哋平時上堂嘅時候都畀好多唔同嘅Idea我哋點樣可以更加有創意去諗嘢,我哋喺佢身上學到好多嘢,而且佢又好有耐性,會覺得我哋係年輕人就幫我哋多啲,好願意分享自己嘅經驗畀我哋。」
她有表示自己與張繼聰亦師亦友,所以上堂氣氛非常輕鬆:「佢轉數非常快,佢見我哋拍咗一個scene就好快指出好多問題幫我哋對症下藥,都會鼓勵我哋試多啲,原本我上堂都會驚,但同佢上堂就好似朋友咁好開心。」
點擊觀看更多林婷的照片:
+8