潘靜文大爆曾志偉指《聲夢》年齡細難搞真正原因 竟然同法例有關
撰文：吳子生
出版：更新：
曾志偉早前公佈打算停辦《聲夢傳奇》的原因，指學員年紀太細難控制，又指有學員表現不錯的時候，又要到外國升學，情況難控，所以決定推出《聲秀》，將參賽年齡設定在16至30歲之間。
第一屆《聲夢傳奇》學員潘靜文（Sherman）今日（11/4）現身將軍澳電視城出席無綫節目《香港系列之原味道》記者會。就事件接受《香港01》訪問時表示：「其實唔再搞《聲夢》我又冇覺得可惜，據我知道將會有《聲秀》呢個新節目，雖然我仲未知個賽制係會點，但我相信係一個好新穎嘅節目。不過記得以前《聲夢》嘅時候，係會有啲避忌唔可以過晚上11點，因為有啲學員未夠16歲，好似犯法，咁所以嗰陣時啲拍攝都要就佢哋，始終都會有啲阻滯。（你難唔難控制？）我唔難控制，因為嗰陣時我冇返學，所以去咗玩比賽。但我就覺得睇個人取向，每個人都唔同。但又唔可以一概而論，而我就選擇咗比賽。不過無論點都好，公司都有佢哋嘅夏慮。」