聲夢傳奇｜曾志偉影射學員年齡細外國升學難搞 姚焯菲：唔覺係咁

姚焯菲（Chantel）今日（11/4）現身將軍澳電視城出席《無綫電視暨職藝員愛心基金》善款移交暨委任愛心大記者會。對於日前曾志偉公佈停辦《聲夢傳奇》的原因，指學員年紀太細難控制，又指有學員表現不錯的時候，又要到外國升學，情況難控。有網民猜測Chantel當年參賽只有14歲，加上又要到外國升學，有被影射之嫌。

Chantel接受《香港01》訪問時表示：「我又冇覺得係咁，反而我覺得公司係有佢哋嘅原因，可能《聲夢》都兩屆，而啲賽制又差唔多，變咗佢哋所以改一改。（當時你升學無綫有冇提出過啲意見？）其實佢哋又冇提出過，係因為我哋係一早傾好晒，知道我會出國升學。其實我一入嚟嘅時候，已經有同佢哋溝通過，可能第時要去外國升學，因為由細到大都有呢個計劃，公司係知道。」