龔嘉欣續約無綫未明　好姊妹陳凱琳以12字爆終極真相

陳凱琳（Grace）今日（12/4）現身將軍澳出席活動。提到去年低調離巢無綫，結束11年賓主關係，陳凱琳接受《香港01》訪問時透露是經過深思熟慮，才作出了這個決定：「其實而家嘅模式同以前TVB係好唔同，以前係會拍劇同做節目主持，而呢度嘅工作就係一個好大嘅團隊一齊去做。」

被問到TVB有否高薪挽留時，陳凱琳就表示：「其實我同呢間公司有一樣嘢我係好珍惜嘅係，我喺2013參加香港小姐，到而家大家嘅關係都好好，咁所以都唔排除日後可以上佢哋嘅節目。（覺得自由度大咗？）我覺得係唔同範疇同類型，根本大家做嘅性質都唔一樣。（而家可以做自己鍾意做嘅嘢！）其實我都好鍾意拍劇，感恩有呢啲工作。（龔嘉欣好似未續約無綫？）嘉欣佢續唔續約我就唔知道，早前同佢去咗馬來西亞係好開心。」