趙浚承（Gary）早前現身屯門出席無綫歌唱比賽節目《中年好聲音3 》7強見面會，早前有網台邀得前「港甲」球員打上網台爆料指《明星足球隊》北上比賽後，晚上各人各自帶「私飯」狂歡，更清楚解釋何謂「私飯」，意思是指去到每個地區，總會有一位紅顏知己在身邊陪伴，亦有到夜場高興一下。主持人提到球隊相傳以踢波為名，嬉戲為實，「港甲」表示認同：「唔係相傳咁簡單，空穴來風，未必冇因」，事件惹起網上熱議。

身為「明星足球隊」成員的趙浚承就事件接受《香港01》訪問時表示：「其實我份人一日係要瞓8至9個鐘先會夠嘅人嚟，去到咁夜我係會選擇瞓覺，同埋我酒量唔得，飲少少就會眼瞓，變咗冇人會叫我飲酒。（可能你唔係佢啲腳！）我知道有時候會去食消夜，大家一班人會傾吓頭先踢波踢成點。（落夜場未試過？）其實我哋都會組織全隊人去唱卡拉OK，舉行唱歌比賽，呢啲我哋係試過。」