羅啟豪今日（7/5）以嘉賓身份現身灣仔會展出席《香港01》企業人工智能升級轉型交流日。羅啟豪接受《香港01》訪問時大讚AI的誕生，正改變大家的生活：「其實自我入行以來，我都有用AI，就好似我開第一個演唱會嘅時候，演唱會宣傳海報，背景我係用AI製作出嚟，同埋我一直都有用AI去繪圖同寫作，變咗真係好有用。（有心事會唔會請教AI？）其實都有時有啲問題都會請教，但於未必係心事。例如醫學上面，我有咩病痛都會請教佢。」

提到肥媽康復出院，趕得切出席《中年好聲音3》決賽，羅啟豪表示：「其實聽到呢個消息，我係感到非常之安慰，因為呢排Covid又重來，我身邊都有啲朋友都中咗Covid，變咗當時聽到肥媽中咗我都有啲擔心。咁而家聽到佢身體好啲，我就安心。」