由陸永夥拍黃嘉雯(Carmaney)主持的健康資訊節目《醫啲阿媽都唔知》，每集請來醫護相關專業人仕，從健康出發以輕鬆手法，認真討論與各人息息相關的日常健康話題，改正一些醫學認知的謬誤。本集中，黃嘉雯自爆每朝起來先飲一大杯水助通便。黃嘉雯與陸永追捧酸鹼飲水機，被鄒重璂醫生狠批「落到胃就中和晒！」

黃嘉雯聽媽咪話每朝飲杯水通便

節目中「阿媽」話：「阿仔阿女你哋今日飲唔飲夠8杯水呀。記住飲水，仲要煲過啲水先好飲，乾淨啲殺菌」。Carmaney媽咪亦有類似理論，她說︰「阿媽真係有話要飲暖水，朝早要飲一杯水，因為成晚都無飲過，所以要補充返水份。」所以她習慣每朝起來先飲一大杯水，認為有助通便。濾水式飲水器更是不可或缺，她笑說︰「我部飲水機仲可以揀選酸鹼值，每次配合唔同用處，好似洗衫、洗碗都會用唔同酸鹼度，覺得成件事好有儀式感。」原來陸永都有用同款飲水機，但使用起來有很多步驟有點麻煩。

鄒重璂評酸鹼水為多此一舉

對於今次「阿媽」提出的建議鄒重璂醫生難得認同，他表示多飲水的確有助排便，他解釋︰「因為會有『胃結腸反射』作用，刺激結腸蠕動，誘發便意。飲水係必須，呢樣絕對同意。但從來無科學證據話飲8杯水係健康嘅，咁一杯係幾大杯呢？亦無一個標準。」至於Carmaney同陸永都有用的飲水機，鄒醫生直言沒有需要，他說︰「咁一定係錯啦，你乜嘢『鹼』都好啦，落到胃就已經中和咗，血液酸鹼度要控制喺好窄嘅位，人體會自己調節，唔需要你部飲水機。如果飲杯水就可以改變酸鹼度，咁就真係大件事。」