花姐效力TVB 13年直認過檔ViuTV更快樂:原來以前係井底之蛙!

撰文:
最後更新日期:

人稱花姐的黃慧君是現時炙手可熱男團MIRROR、ERROR的幕後推手兼經理人,周五以《尋夢者》為命題接受陳志雲(Stephen)的訪問,談起阿花這個名字的由來,她說身邊的人都不會叫她全名只因曾有算命師傅稱「君」字與她的命格相沖,父母之後都改口叫她阿花。其實花姐的英文名是Ahfa,不過那時無綫(TVB)的同事都不知道怎樣讀,所以都叫她阿花,令Stephen也忍不住揶揄:「算啦,佢哋嘅文化水平係低啲。」

人稱花姐的黃慧君是現時炙手可熱男團MIRROR、ERROR的幕後推手兼經理人,周五以《尋夢者》為命題接受陳志雲(Stephen)的訪問。(YouTube/@志雲頻道stephenchannel)

花姐亦坦承現時在ViuTV工作,比起在TVB工作的13年更快樂:「嗰時喺TVB做嘢太多框框,原來以前係井底蛙,以為自己識好多嘢,出到嚟就知死喇,原來乜都唔識!」Stephen笑言:「所有TVB人都係咁!因為TVB制度唔同,佢架構大、收視群好多,要冒險少少都難。」花姐及後亦道出深愛ViuTV的原因:「我覺得魯生(ViuTV董事總經理魯庭暉)唔係一個好守規矩嘅人,佢話:『只要你唔令我犯法做咩都得!』」

點擊圖輯睇花姐講在TVB工作的13年、以及TVB給她的框框:

+51
+51
+51

花姐透露讀書時經媽媽介紹在廣告公司做PA,90年代、中七考A-Level成績不如預期未能入讀心儀的社工系,一氣之下選擇投身社會,後來閱報見TVB請毋須經驗的剪接員,就盲舂舂去了應徵,負責面試的正是現時的ViuTV製作部副總裁金廣誠,不過當時她呆等金生傾了45分鐘電話,對方收線後只問了一句:「有冇偶像?」花姐只答了劉德華就被請離開,回家中途卻收到獲聘電話。原以為做剪接員,怎料翌日上班才發現職位是PA,就這樣糊糊塗塗入了行,Stephen說:「TVB咁大間公司冇理由咁求其。」花姐答:「真係咁求其㗎咋,乜都冇問我,淨係答咗劉德華就請我!」

點撃圖輯睇MIRROR活動靚相:

+36
+36
+36

花姐又談起從TVB過檔ViuTV的過程,她說當年離開TVB只是為啖氣:「嗰陣已經做咗《勁歌》一段時間,當時節目換監製,我脾氣差又啱啱升職,覺得自己好叻就同老細嗌交,跟住就走咗。」之後轉職做演唱會導演,由於經常要走埠,那時卻成家立室有了孩子,於是老公希望她穩定下來,金生就介紹她到now TV見工,輾轉展開了ViuTV的監製生涯:「我發現自己唔鍾意安定!」

同場加映:大姜的愛|MIRROR三角戀睇到手腳捲縮 呂爵安被姜濤挑逗變高潮眼

+54
+54
+54


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。